ހުކުރު 03 ޖުލައި 2020
03 ފުނޯސް
1441 ޒުލްގައިދާ 12
ފަތިސް 04:40
އިރުއަރާ 05:58
މެންދުރު 12:14
އަސްރު 15:38
އިރުއޮއްސޭ 18:23
އިޝާ 19:41
އިޓާލިއަން ލީގު

އިޓާލިއަން ލީގު: ބްރެޝިއާ ބަލިކޮށް އިންޓަ އެއްވަނައަށް ޖެހިލައިފި

  • ބްރެޝިއާގެ މައްޗަށް އިންޓަ ކުރިހޯދީ 1-2 ގެ ނަތީޖާއަކުން

ކ. މާލެ | 30 އޮކްޓޯބަރ 2019 | ބުދަ 09:31 | 1,847

އިންޓަ އަދި ބްރެޝިއާ ބައްދަލުކުރި މެޗުގެ ތެރެއިން - ޓްވިޓަރ

އިޓާލިއަން ލީގުގައި ބްރެޝިއާ ބަލިކޮށް އިންޓަ މިލާން ޕޮއިންޓް ތާވަލުގެ އެއްވަނައަށް ޖެހިލައިފިއެވެ.

އަންގާރަ ދުވަހުގެ ރޭ ކުޅުނު މެޗުން ބްރެޝިއާގެ މައްޗަށް އިންޓަ ކުރިހޯދީ 1-2 ގެ ނަތީޖާއަކުންނެވެ.

އިންޓަ ދަނޑުގައި ކުޅުނު މި މެޗުގައި ބޯޅަ ކޮންޓްރޯލްކޮށް ރަނގަޅަށް ކުޅެމުންދިޔައީ އެޓީމުންނެވެ. އެގޮތުން އެޓީމުން ވަނީ ބްރެޝިއާގެ ހާފަށް ބާރުބޮޑުކޮށް ލަނޑު ޖެހުމަށްވެސް ފުރުސަތުތަކެއް ހޯދާފައެވެ.

މެޗުގައި ފުރަތަމަ ލަނޑު ޖަހާ ލީޑު ނެގީ އިންޓައިންނެވެ. މި ލަނޑު 23 ވަނަ މިނެޓުގައި ކާމިޔާބުރީ ލައުރާޓޯ މާޓިނޭޒްއެވެ. މި ލަނޑަށްފަހުވެސް ލީޑު ފުޅާކުރަން އެޓީމަށް ވަނީ ފުރުސަތުތަކެއް ލިބި ބޭކާރުވެފައެވެ.

މި ހާފްގައި ބްރެޝިއާގެ ފަރާތުންވެސް ވަނީ ހަމަލާތަކެއް ފެނިގެން ގޮސްފައެވެ. ނަމަވެސް އެ ހަމަލާތަކުގެ ބޭނުން އެޓީމަށް އެންމެ އެދެވޭ ގޮތެއްގައި ހިފިފައެއް ނުވެއެވެ.

ދެވަނަ ހާފް ފެށިގެން ބްރެޝިއާއިން ފުލުފުލުގައި ލަނޑު ޖެހުމަށް ވަނީ ފުރުސަތުތަކެއް ހޯދާފައެވެ. އެގޮތުން މާރިއޯ ބަލޮޓެލީއަށް ލިބުނު ހުސް ފުރުސަތުތައް ހިމެނެއެވެ.

އިންޓައިން މެޗުގެ ލީޑު ފުޅާކުރީ 63 ވަނަ މިނެޓުގައެވެ. މި ލަނޑު ގަގްލިއާޑިނީގެ އެހީތެރިކަމާއެކު ކާމިޔާބުކުރީ ރޮމެލޫ ލުކާކޫއެވެ. ބްރެޝިއާއިން 76 ވަނަ މިނެޓުގައި ވަނީ ނަތީޖާގެ ފަރަގު ކުޑަކޮށްފައެވެ. މި ލަނޑަކީ އިންޓަގެ ސްކްރީނިއާ އަތުން ބައިކޮޅަށް ވަތް ލަނޑެކެވެ.

މި ނަތީޖާއާއެކު އިންޓަ އޮތީ ކުޅުނު 10 މެޗުން ލިބުނު 25 ޕޮއިންޓާއެކު ޕޮއިންޓް ތާވަލުގެ އެއްވަނައިގައެވެ. މެޗުން ބަލިވި ބްރެޝިއާ އޮތީ ކުޅުނު ނުވަ މެޗުން ލިބުނު ހަތް ޕޮއިންޓާއެކު ޕޮއިންޓް ތާވަލުގެ 18 ވަނައިގައެވެ.

އެންމެ ފަހުން އަޕްޑޭޓް ކުރީ: 3 މަސް ކުރިން | ރިވިއު ކުރީ: ޒިހްނަތު ހަސަން

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.