އަންގާރަ 19 ނޮވެންބަރު 2019
06 ނޮރަ
1441 ރަބީއުލް އައްވަލް 22
ފަތިސް 04:37
އިރުއަރާ 05:52
މެންދުރު 11:55
އަސްރު 15:15
މަޣްރިބް 17:51
އިޝާ 19:06
ކުޅިވަރު - ޕްރިމިއާ ލީގު

ޕްރިމިއާ ލީގު: ޝެފިލްޑް ޔުނައިޓެޑް އަތުން އާސެނަލް ބަލިވެއްޖެ

  • އާސެނަލްގެ މައްޗަށް ޝެފިލްޑް ޔުނައިޓެޑް ކުރިހޯދީ 0-1 ގެ ނަތީޖާއަކުން

ލީވާން އަލީ
MrLeevaan

ކ. މާލެ 22 އޮކްޓޯބަރ 2019 | އަންގާރަ 09:28 1,413

އާސެނަލް އަދި ޝެފިލްޑް ޔުނައިޓެޑް ބައްދަލުކުރި މެޗުގެ ތެރެއިން - ޓްވިޓަރ

ޕްރިމިއާ ލީގުގައި ޝެފިލްޑް ޔުނައިޓެޑް އަތުން އާސެނަލް ބަލިވެއްޖެއެވެ.

ހޯމަ ދުވަހުގެ ރޭ ކުޅުނު މެޗުން އާސެނަލްގެ މައްޗަށް ޝެފިލްޑް ޔުނައިޓެޑް ކުރިހޯދީ 0-1 ގެ ނަތީޖާއަކުންނެވެ.

ޝެފިލްޑް ޔުނައިޓެޑް ދަނޑުގައި ކުޅުނު މި މެޗު ފެށިގެން ބޯޅަ ކޮންޓްރޯލްކޮށް ރަނގަޅަށް ކުޅެމުންދިޔައީ އާސެނަލްއިންނެވެ. އެގޮތުން އެޓީމުން ދިޔައީ ޝެފިލްޑް ޔުނައިޓެޑުގެ ގޯލަށް ނުރައްކާކޮށް ހަމަލާ އުފައްދަމުންނެވެ.

ނަމަވެސް ޝެފިލްޑް ޔުނައިޓެޑުން ވަނީ އެޓީމުގެ ކުޅުން ރަނގަޅުކޮށް 30 ވަނަ މިނެޓުގައި ލީޑު ނަގާފައެވެ. މި ލަނޑު އެޓީމަށް ކާމިޔާބުކޮށްދިނީ ކޯނެލްގެ އެހީތެރިކަމާއެކު މޯސެޓްއެވެ.

މި ލަނޑާއެކު އާސެނަލްއިން އެޓީމުގެ އެޓޭކްތައް ވަރުގަދަކޮށްފައިވާއިރު، ފުލުފުލުގައި އެޓީމުން ވަނީ ހަމަލާތައް އުފައްދާފައެވެ. ނަމަވެސް އެ ހަމަލާތައް ޝެފިލްޑް ޔުނައިޓެޑުން ވަނީ ދިފާއުކޮށްފައެވެ.

ދެވަނަ ހާފް ފެށިގެންވެސް އާސެނަލްއިން ހަމަލާތައް އުފައްދަމުންދިޔައިރު، އެ ހަމަލާތަކުގެ ބޭނުން އެޓީމަށް މާ ރަނގަޅު ގޮތެއްގައި ހިފިފައެއް ނުވެއެވެ.

މީގެއިތުރުން މި ހާފްގައި ޝެފިލްޑް ޔުނައިޓެޑުގެ ފަރާތުން ހަމަލާތަކެއް ފެނުނުއިރު، އެ ހަމަލާތަކުގެ ބޭނުން އެޓީމަށްވެސް އެންމެ އެދެވޭ ގޮތެއްގައި ހިފިފައެއް ނުވެއެވެ.

މި ނަތީޖާއާއެކު އާސެނަލް އޮތީ ކުޅުނު ނުވަ މެޗުން ލިބުނު 15 ޕޮއިންޓާއެކު ޕޮއިންޓް ތާވަލުގެ ފަސް ވަނައިގައެވެ. މެޗުން މޮޅުވި ޝެފިލްޑް ޔުނައިޓެޑް އޮތީ ކުޅުނު ނުވަ މެޗުން ލިބުނު 12 ޕޮއިންޓާއެކު ޕޮއިންޓް ތާވަލުގެ ނުވަ ވަނައިގައެވެ.

އެންމެ ފަހުން އަޕްޑޭޓް ކުރީ: 4 ހަފްތާކުރިން | ރިވިއު ކުރީ: އަމަން ހަލީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް