ޝަރީޔަތް ނިމެންދެން ބަންދުކޮށްފައިވާ މީހުންގެ އަމުރުތައް އަލުން ރިވިއު ކުރަން ޖެހޭ ގޮތަށް، ޖިނާއީ މައްސަލަ ތަކުގައި އަމަލުކުރަން އެޓަރނީ ޖެނެރަލް އިބްރާހިމް ރިއްފަތު އެކުލަވައިލި ސިޔާސަތުތަކަށް އިސްލާހު ކޮށްފިއެވެ.
އާދިއްތަ ދުވަހު ގެނައި އިސްލާހާއި އެކު، ކުށުގެ ތުހުމަތުގައި ހައްޔަރު ކޮށްފައިވާ މީހަކު ޝަރީއަތް ނިމެންދެން އޭނާ ބަންދުގައި ބަހައްޓަން ފަނޑިޔާރު ކޮށްފައިވާ އަމުރު، 30 ދުވަަހުން ޕްރޮސިކިއުޓަރ ޖެނެރަލް (ޕީޖީ) މުރާޖަޢާކުރަން ޖެހެއެވެ.
އަދި ވަކި މައްސަލައެއްގައި ޝަރީޢަތް ނިމެންދެން ބަަންދުގައި ބަހައްޓަންޖެހޭ ސަބަަބެއް ނެތްކަމަށް ޕީޖީ އަށް ފެންނަ ހާލަތުގައި ޝަރީޢަތް ނިމެންދެން ބަންދުގައި ބެހެއްޓުމާއި އެކު ކޮށްފައިވާ އަމުރު ބާޠިލު ކުރުމަށް ކޯޓަށް ހުށައަޅަން ޖެހޭ ކަމަށް އެ އިސްލާހުގައިވެއެވެ.
ޝަރީޢަތް ނިމެންދެން ބަންދުގައި ''ވާނުވާ'' ޖަހާފައި މީހުން ބައިތިއްބާތީ ގިނަ ބަޔަކުގެ ފާޑު ކިޔުންތައް އަމާޒުވެއެވެ.
