ތުއްތު ކުއްޖެއްގެ ފުއްޕާމެއިން ލެގޯ ކޮޅެއް ކާމިޔާބުކަމާއެކު ނަގައިފި
ކުއްޖާގެ ހާލު މިހާރު ދަނީ ރަނގަޅުވަމުން
އައިޖީއެމް ހޮސްޕިޓަލް
ހަ އަހަރުގެ ތުއްތު ކުއްޖެއްގެ ފުއްޕާމެއިން ލެގޯ ކޮޅެއް އިންދިރާ ގާންދީ މެމޯރިއަލް ހޮސްޕިޓަލުގެ ޑޮކްޓަރުން ކާމިޔާބުކަމާ އެކު ނަގާލައިފިއެވެ.
އެ ހޮސްޕިޓަލުގެ ރަސްމީ ޓުވިޓަރ އެކައުންޓް މެދުވެރިކޮށް ކޮށްފައިވާ ޓުވީޓެއްގައި ބުނެފައިވަނީ 6 އަހަރުގެ ތުއްތު ކުއްޖެއްގެ ފުއްޕާމެއިން އައިޖީއެމް ހޮސްޕިޓަލުގެ ފުއްޕާމެއާއި ނޭވާލާ ނިޒާމާއި ބެހޭ ހާއްސަ ޑޮކްޓަރުން ލެގޯ ކޮޅެއް ކާމިޔާބު ކަމާއެކު ނަގާފައިވާ ކަމަށާއި ކުއްޖާގެ ހާލު ރަނގަޅުވަމުން އަންނަކަމަށެވެ.
މި ކަމާއި ގުޅޭ އިތުރު މައުލޫމާތެއް އަދި ނުލިބެއެވެ.
ކުޑަކުދިންނާއި ބޮޑެތި މީހުންގެ ތެރޭގައި ވެސް މަގުބޫލު ލެގޯގައި ބައެއް ފަހަރު ވަރަށް ކުދި ބައިތައް އެކުލެވެއެވެ. އަދި ދިރިވާލުމުގެ ފުރުސަތު އޮތުމާއި ގުޅިގެން ލެގޯ ހުންނަނީ އެކި އުމުރުފުރާތަކުގެ ކުދިންނަށް ހާއްސަކޮށް ތައްޔާރުކޮށްފައެވެ.
