މުޒާހަރާތަކަށް ފަހު އުރުދުންގައި ޓީޗަރުންގެ މުސާރަ ބޮޑުކޮށްފި
މަހެއްވަން ދެން މުޒާހަރާ ކޮށްފައިވޭ
އުރުދުންގެ ޓީޗަރުން މުސާރަ ބޮޑު ނުކޮށްގެން ހަޅުތާލު ކުރަނީ
އުރުދުންގެ ޓީޗަރުންގެ މުސަރާ ބޮޑު ކުރުމަށް ޓީޗަރުންގެ ޔޫނިއަންއާއެކު އެއްބަސްވުމަށް އާދެވިފައިވާ ކަަމަށް އެ ގައުމުގެ ސަރުކާރުން ބުނެފިއެެވެ.
ސަރުކާރުން އެފަދަ ގޮތަކަށް ނިންމާފައިވަނީ މަހަކަށް ވުރެ ގިނަ ދުވަސްވަންދެން ޓީޗަރުންނަށް ލިބޭ މުސާރަ ބޮޑު ކޮށްދޭން އެމީހުން އަޑު އުފުލަމުން ދަނިކޮށެވެ. މުސާރަ ބޮޑު ކޮށް ނުދެވޭނެ ކަމަށް ސަރުކާރުން ވަނީ މީގެ ކުރިން ބުނެފައެވެ.
ޓީޗަރުންގެ ޔޫނިއަންގެ ޑެޕީއުޓީ ހެޑް ނައްސެރް އަލް ނަވަރެޝް ބުނީ، 75-35 ޕަސެންޓާ ދެމެދުގެ އަދަދަކަށް ޓީޗަރުންގެ މަގާމަށް ބެލުމަށް ފަހު މުސާރަ ބޮޑު ކޮށްފައިވާ ކަމަށެވެ. ޔޫނިއަނުން ސިފަކުރަ ގޮތުން އެ ނިންމުމަކީ، ތާރީހީ ނިންމުމެކެވެ.
ޔޫނިއަނުން ހަޅުތާލު ކުރަން ނިކުތީ 2014 ވަނަ އަހަރު ސަރުކާރުން 50 ޕަސެންޓް މުސާރަ އިތުރު ކުރާނެ ކަމަށް ބުނެ މިހާތަނަސް މުސާރަ ބޮޑު ކޮށްފައިނުވާތީއެވެ. މުޒާހަރާ ކުރުމުގެ ތެރޭގައި ޓީޗަރުންނާއި ސިފައިންނާއި ދެމެދު ވަނީ ކުރިމަތިލުންތަކެއް ހިނގާފައެވެ.
އުރުދުންގައި އާއްމުކޮށް ޓީޗަރެއް މުސާރާ އަށް މަހެއްގެ މައްޗަށް 630 ޑޮލަރު ލިބޭއިރު، އެ މީހުންނަށް ލިބެމުން އައި މުސާރައަކީ ސަރުކާރުގެ މިނިސްޓްރީގައި މަސައްކަތް ކުރާ މީހުންނަށްވުރެ ދަށް އަދަދެކެެވެ.
