ހޯމަ 06 ޖުލައި 2020
06 ފުނޯސް
1441 ޒުލްގައިދާ 15
ފަތިސް 04:40
އިރުއަރާ 05:58
މެންދުރު 12:15
އަސްރު 15:38
އިރުއޮއްސޭ 18:23
އިޝާ 19:41
ގައުމީ ޓީމު

ގައުމީ 19 އަހަރުން ދަށުގެ ޓީމުން 3 ކުޅުންތެރިޔަކު ސީނިއަރ ޓީމަށް!

  • ސީނިއަރ ޓީމަށް ޗޯޓު ނެގި ކަމަށް މައުލޫމާތު ލިބޭ

ކ. މާލެ | 7 އޮކްޓޯބަރ 2019 | ހޯމަ 18:20 | 4,557

ގައުމީ 19 އަހަރުން ދަށުގެ ޓީމު - އެފްއޭއެމް

ގައުމީ 19 އަހަރުން ދަށުގެ ފިރިހެން ފުޓުބޯޅަ ޓީމުގެ ތިން ކުޅުންތެރިޔަކު ސީނިއަރ ޓީމަށް ނަގައިފިއެވެ.

ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) ގެ ރައީސް ބައްސާމް އަދީލް ޖަލީލު ކުރެއްވި ޓުވީޓެއްގައި ވިދާޅުވީ، 19 އަހަރުން ދަށުގެ ޓީމު ސާފް ޗެމްޕިއަންޝިޕް އަދި އޭއެފްސީ ކޮލިފައިންގައި ދެއްކި ކުޅުމާ މެދު ހިތްހަމަ ޖެހޭ ކަމަށާއި، ޓީމުން ތިން ކުޅުންތެރިޔަކު ސީނިއަރ ޓީމަށް ނަގާފައިވާ ކަމަށެވެ.

އެގޮތުން ބައްސާމް ވިދާޅުވީ، ސީނިއަރ ޓީމަށް ނެގި ތިން ކުޅުންތެރިން ސީރިއާ މެޗުގައި ބައިވެރިވުމަށް ދުބާއީއަށް އާދީއްތަ ދުވަހު ފުރުމަށް ހަމަޖެހިފައިވާ ކަމަށެވެ.

ރާއްޖެއެމްވީއަށް މައުލޫމާތު ލިބިފައިވާ ގޮތުގައި ސީނިއަރ ޓީމަށް ނެގި ތިން ކުޅުންތެރިންގެ ތެރެއިން އެއް ކުޅުންތެރިޔަކީ 19 އަހަރުން ދަށުގެ ޓީމުގެ ކެޕްޓަން ހަސަން ނަޒީމް (ޗޯޓު) އެވެ. ސީނިއަރ ޓީމަށް ހޮވާފައިވާ އިތުރު ދެ ކުޅުންތެރިންނަކީ، އިބްރާހިމް ސާވީ އަދި އަހުމަދު ނާހިލް އިބްރާހިމްއެވެ.

ވޯލްޑް ކަޕް ކޮލިފައިންގައި ސީރިއާއާ ދެކޮޅަށް ރާއްޖެ ކުޅޭ މެޗަށް ތައްޔާރުވުމުގެ ގޮތުން ގައުމީ ސީނިއަރ ޓީމު މިވަގުތު އަންނަނީ ސައުދީ އަރަބިއްޔާގައި ތަމްރީން ހަދަމުންނެވެ.

ކޮލިފައިންގައި ސީނިއަރ ޓީމު ކުޅުނު ފުރަތަމަ މެޗުން ރާއްޖޭގައި ޗައިނާ އަތުން ބަލިވީ 0-5 ގެ ތަފާތުބޮޑު ނަތީޖާއަކުންނެވެ.

ރާއްޖެ އަދި ސީރިއާ ބައްދަލުކުރާ މެޗު އޮންނާނީ އަންނަ ބުރާސްފަތި ދުވަހުއެވެ. މި މެޗު ކުޅުމަށް ހަމަޖެހިފައިވަނީ ޔުނައިޓެޑް އަރަބް އެމިރޭޓްސްގައެވެ.

އެންމެ ފަހުން އަޕްޑޭޓް ކުރީ: 3 މަސް ކުރިން | ރިވިއު ކުރީ: ސިމާހާ ނަސީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.