އިންޑިއާގެ ސިފައިންގެ ވެރިޔާ މާދަމާ ރާއްޖެ ވަޑައިގަންނަވަނީ
ރަވަތް ވަނީ ގިނަ މަޤާމުތަކެއް ފުރުއްވާފަ
ބޮޑު ވަޒީރު މޯދީ އާއި ސިފައިންގެ އިސްވެރިޔާ ބިޕިން ރަވަތް
އިންޑިއާގެ ސިފައިންގެ އިސްވެރިޔާ ޖެނެރަލް ބިޕިން ރަވަތް ރަސްމީ ދަތުރުފުޅެއްގައި އާދިއްތަ ދުވަހު ރާއްޖެ ވަޑައިގަންނަވަން ހަމަޖެހިއްޖެއެވެ.
އެމްއެންޑީއެފުން ބުނީ، އިންޑިއާގެ ޗީފް އޮފް އާރމީ ރާއްޖެއަށް ދަތުރުފުޅުގައި މާދަމާ ވަޑައިގަންނަވާއިރު ދަތުރުފުޅު ނިންމަވާލެއްވުމަށް ފަހު އެނބުރި އިންޑިއާ އަށް ވަޑައިގަންނަވާނީ އަންނަ މަހުގެ ހަތަރު ވަނަ ދުވަހު ކަމަށެވެ.
އިތުރު މައުލޫމާތެއް އެމްއެންޑީއެފުން ހާމައެއް ނުކުރެއެވެ.
އިންޑިއާގެ ސިފައިންގެ ވެރިޔާ ރާއްޖެ ވަޑައިގަންނަވާއިރު، ދެ ޤައުމުގެ ގުޅުން ވަނީ އިންތިހާއަށް ރަނގަޅުވެފަ އެވެ. އަދި ދެ ްައުމުގެ އަސްކަރިއްޔާ ގުޅިގެން ގިނަ އޮޕަރޭޝަންތަކެއް ކުރިއަށްގެންދާއިރު، ދިވެހި އަސްކަރިއްޔާ ކުރިއެރުވުމަށް ގިނަ އެހީތަކެއްވެސް އިންޑިއާއިން އަންނަނީ ފޯރުކޮށްދެމުންނެވެ. އެގޮތުން ރާޑަރ ސިސްޓަމްތަކެއް ހަދިޔާކޮށް، އެމްޑީއެފްގެ ގާބިލްކަން އިތުރުކުރުމުގެ މަސައްކަތް އަންނަނީ ކުރިއަށްގެންދަމުންނެވެ. އޭގެއިތުރުން ޅ. މާފިލާފުށީގައި ޤާއިމްކުރި ދިވެހި އަސްކަރިއްޔާގެ ތަމްރީން މަރުކަޒު އިމާރަތްކުރުމަށްވެސް އެ ޤައުމުން ވަނީ އެހީތައް ފޯރުކޮށްދީފަ އެވެ.
ރަވަތް، ސިފައިންގެ އިސްވެރިޔާގެ މަގާމަށް އައްޔަން ކުރައްވާފައިވަނީ 2016 ވަނަ އަހަރުގެ ޑިސެމްބަރު މަހުގެ 31 ވަނަ ދުވަހު ކުރިން އެ މަގާމުގައި ހުންނެވި، ދަލްބީރް ސިންހް މުސްކުޅި ކުރެއްވުމާއި ގުޅިގެންނެވެ. އޭނާ އިންޑިއާގެ ސިފައިންގެ ހިދުމަތާއި ގުޅިފައިވަނީ 1978 ވަނަ އަހަރުއެވެ. އޭގެ ފަހުން ރަވަންތް ވަނީ ސިފައިންގެ ގިނަ މަގާމުތަކެއް ފުރުއްވާފައެވެ.
