ކަޅުކުޅި މަނިކުފާނާއެކު އެސްޓީއޯއިން އައު ޕްރޮމޯޝަނެއް ފަށައިފި
ޕްރޮމޯޝަން ކުރިއަށްދާނީ ޑިސެމްބަރު މަހުގެ ނިޔަލަށް
ޕްރޮމޯޝަން ކުރިއަށްދާނީ ޑިސެމްބަރު މަހުގެ ނިޔަލަށް
ކަޅުކުޅި މަނިކުފާނާއެކު ސްޓޭޓް ޓްރޭޑިންގ އޮގަނައިޒޭޝަން (އެސްޓީއޯ) އިން އައު ޕްރޮމޯޝަނެއް ފަށައިފިއެވެ.
މި ޕްރޮމޯޝަން ކުރިއަށްދާނީ ޑިސެމްބަރު މަހުގެ ނިޔަލަށް ކަމަށް އެސްޓީއޯގެ ފަރާތުން މައުލޫމާތު ދީފައިވެއެވެ.
ކޮންމެ ނޫޑްލްސް ކަޕް އަކާއެކުވެސް ސްކްރެޗް އެންޑް ވިން ކާޑެއް ލިބޭނެ ކަމަށާއި މި ޕްރޮމޯޝަނުގެ ދަށުން 200000 ރުފިޔާގެ އިނާމު ލިބޭނެ ކަމަށްވެސް އެސްޓީއޯ އިން މައުލޫމާތުދެއެވެ.
މި ޕްރޮމޯޝަނުގައި ހިމެނެނީ ފަސް ފްލޭވަރ އެއްގެ ނޫޑްލްސްއެވެ. އެއީ ޗިކެން ފްލޭވަރ، ޓޮމްޔަމް ފްލޭވަރ، ބީފް ސްޓޭކް ފްލޭވަރ، ކަރީ ފްލޭވަރ އަދި ކަޅު ކުޅި މަނިކުފާނުގެ ނަމުގައި ހިމެނިގެންދާ ޓޮމްޔަމް ފްލޭވަރ އެވެ.
ކަޕް ނޫޑްލްސްގެ އަގުތައް ހުރީ 10 ރުފިޔާއާއި 12 ރުފިޔާ އާއި ދެމެދުގައެވެ.
އެސްޓީއޯ ސުޕަމާޓުގެ އިތުރުން އެސްޓީއޯގެ އެހެނިހެން ފިހާރަތަކުގައިވެސް މި ޕްރޮމޯޝަން ކުރިއަށްދާނެއެވެ.
