މިނިސްޓަރ އޮފް ކޮމިއުނިކޭޝަންގެ ނައިބުގެ މަގާމަށް މުހައްމަދު ޝާތިރު
23 ސެޕްޓެމްބަރު 2019 | ހޯމަ 05:25ޝާތިރު އެންމެފަހުން އަދާކުރައްވާފައި ވަނީ ގައުމީ އަރުޝީފުގެ ޑިރެކްޓަރ ޖެނެރަލްގެ މަގާމު
ޝާތިރު ވަނީ ނޫސްވެރިކަމުގެ ދާއިރާއިން ތަޢުލީމާ ތަމްރީނުގެ ގިނަ ޕްރޮގްރާމްތަކެއް ފުރިހަމަ ކުރައްވާފައި
މިނިސްޓަރ އޮފް ކޮމިއުނިކޭޝަން، ސައިންސް އެންޑް ޓެކްނޮލޮޖީގެ ނައިބުގެ މަގާމަށް، ތ. ހިރިލަންދޫ، ތިރިންގަލި، މުހައްމަދު ޝާތިރު އައްޔަނު ކުރައްވައިފިއެވެ.
ރައީސުލް ޖުމްހޫރިއްޔާ އިބްރާހިމް މުހައްމަދު ސޯލިހް، ޝާތިރު މި މަގާމަށް އައްޔަނު ކުރައްވައިފައިވާއިރު، ޝާތިރު އެންމެފަހުން އަދާކުރައްވާފައި ވަނީ ގައުމީ އަރުޝީފުގެ ޑިރެކްޓަރ ޖެނެރަލްގެ މަގާމެވެ.
ޝާތިރު ވަނީ ދިވެހިރާއްޖޭގެ އަޑުގެ ސީނިއަރ އެޑިޓަރ ކަމުގެ މަގާމާއި އެ ދާއިރާގެ އެކިއެކި މަގާމުތައް ފުރައްވާފައެވެ. އެމނިކުފާނު ވަނީ ތާރީހު ދިރާސާކުރުމާއި މީޑިޔާގެ ދާއިރާއިން އެކިވުޒާރާތަކަށް ފަންނީ ލަފާދެއްވުމާއި ލިޔުންތެރިކަމުގެ ދާއިރާގައި ފާހަގަކޮށްލެވޭ ގިނަ މަސައްކަތްތަކެއް ކުރައްވާފައެވެ. އަދި ނޫސްވެރިކަމުގެ ދާއިރާއިން ތަޢުލީމާ ތަމްރީނުގެ ގިނަ ޕްރޮގްރާމްތަކެއް ވެސް ޝާތިރު ވަނީ ފުރިހަމަ ކުރައްވާފައެވެ.
ޝާތިރަށް ވަނީ 2017 ވަނަ އަހަރު، ދިވެހި ތާރީހުގެ ދާއިރާއިން، ދިވެހި ތާރީހާ ބެހޭގޮތުން ހޭލުންތެރިކުރުވުމުގެ ރޮނގުން ހިތްވަރު ދިނުމުގެ ގައުމީ އިނާމު ލިބިވަޑައިގެންފައެވެ.
