ކ. މާލެ
|
19 ސެޕްޓެންބަރ 2019 | ބުރާސްފަތި 13:16
ރައީސް މުހައްމަދު ނަޝީދު
ރައީސް މުހައްމަދު ނަޝީދު
ޝުއައިބް މުހައްމަދު އިގްބާލް
ރައީސް މުހައްމަދު ނަޝީދު
އީވާން ނަސީމްގެ މަރަށް 15 އަހަރު: ފުލުހުންގެ އިދާރާ އިސްލާހު ކުރުން ލަސްވާތީ ނަޝީދުގެ ކަންބޮޑުވުން!
 
އީވާން ނަސީމް މަރާލާފައިވަނީ 2003 ވަނަ އަހަރުގެ ސެޕްޓެމްބަރު މަހުގެ 19 ވަނަ ދުވަހުގެރޭ

އީވާން ނަސީމް މަރާލީ ފުލުހުންގެ ނެޝަނަލް ސެކިއުރިޓީ ސަރވިސް(އެންއެސްއެސް) ކަމަށާއި އެމަރަށް 15 އަހަރު ވީއިރު ވެސް އެމުއައްސަސާ އިސްލާހުވެފައި ނުވާތީ ކަންބޮޑުވެވަޑައިގަންނަވާ ކަމަށް ރައީސް މުހައްމަދު ނަޝީދު ވިދާޅުވެއްޖެއެވެ.

އީވާން ނަސީމްގެ މަރަށް ބުރާސްފަތި ދުވަހަށް 15 އަހަރު ވުމާއި ގުޅިގެން ރައީސް ނަޝީދު ކުރެއްވި ޓްވީޓެއްގައި ވިދާޅުވީ އީވާން ނަސީމް މަރާލުމަށް ފަހު އެމަރަށް އިހުތިޖާޖު ކުރި ބައެއް މީހުން ވެސް ބަޑިޖަހައި މަރާލާފައިވާކަމަށެވެ. ފުލުހުންގެ މުއައްސަސާ އިސްލާހު ކުރުން ކުރުން ލަސްވާތީ ކަންބޮޑުވާ ކަމަށް ނަޝީދު ވިދާޅުވިއެވެ. އަދި އެމަރަކީ ރާއްޖޭގައި ޑިމޮކްރަސީ ހޯދުމުގެ ފެށުން ކަމަށް ޓްވީޓުގައި ފާހަގަ ކުރައްވާފައި ވެއެވެ.

އީވާން ނަސީމް މަރާލާފައިވަނީ 2003 ވަނަ އަހަރުގެ ސެޕްޓެމްބަރު މަހުގެ 19 ވަނަ ދުވަހުގެރޭ މާފުށީ ޖަލުގައި ކުށްވެރިންނާ ޖަލު ބަލަހައްޓަން ފޯރިއަށް ތިބި ސިފައިންނާއި ދެމެދު ހިނގި ކުރިމަތިލުންތަކެއްގައެވެ. އީވާން ނަސީމްގެ މަރާއެކު އެކަމަށް އިހުޖިޖާޖު ކުރި އެހެން ގައިދީން ތަކެއްގެ ގަޔަށް ބަޑިޖަހައި މަރާލާފައި ވެއެވެ.

ފުލުހުންގެ މުއައްސަސާ އިސްލާހުކުރުން ލަސް ކަމަށް ރައީސް ނަޝީދު ވިދާޅުވިއިރު މަރާލާފައިވާ ނޫސްވެރިޔާ އަހުމަދު ރިލްވާނާއި ގުޅިގެން އެމްޑީޕީ ގައުމީ މަޖިލީހުގައި އެމަނިކުފާނު ވަނީ ފުލުހުންގެ މުއައްސަސާ އިސްލާހު ކުރަން ޖެހޭ ވާހަކަ އެމަނިކުފާނު ދައްކަން ފެށުމުން އެކި ގޮތްގޮތުން އެމަނިކުފާނަށް ނުރައްކާ ކުރިމަތިވާ ކަމަށެވެ. އެގޮތުން ފުލުހުން އެމަނިކުފާނަށް ފާރަލާ ކަމަށް އެމްއެންޑީއެފުން ބުނެފައިވާ ކަމަށް ވިދާޅުވިއެވެ. ނަމަވެސް ރައީސް ނަޝީދުގެ އެވާޙަކަފުޅުތައް ފުލުހުންނާއި އެމްއެންޑީއެފުން ވަނީ ދޮގުކޮށް ބަޔާން ނެރެފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަމަން ހަލީމް
0%
0%
17%
83%
0%
0%
ކޮމެންޓް