ކ. މާލެ
|
14 ސެޕްޓެންބަރ 2019 | ހޮނިހިރު 18:02
އިދްރީސް އެލްބާ
އިދްރީސް އެލްބާ
ގޫގުލް
ސުއިސައިޑް ސްކޮޑް
''ސުއިސައިޑް ސްކޮޑް'' ގައި މާގޯ ރޮބީ، އިދްރީސް އެލްބާގެ އިތުރުން ވަޔޯލާ ޑޭވިސް
 
މަޝްހޫރު ގިނަ ކާސްޓުންތަކެއް ހިމެނޭ

ޖޭމްސް ގަން ޑައިރެކްޓް ކުރާ ފިލްމު ''ދަ ސުއިސައިޑް ސްކޮޑް'' ގެ ކާސްޓުން އިއުލާން ކޮށްފިއެވެ.

ފިލްމުގެ ކާސްޓުންގެ ނަންތައް ޖޭމްސް އިއުލާން ކޮށްފައިވަނީ އޭނާގެ ޓްވިޓަރ އެކައުންޓް މެދުވެރިކޮށެވެ. ދަ ސުއިސައިޑް ސްކޮޑް ހޭޝްޓެގް ޖެހުމަށް ފަހު ޖޭމްސް ކުރި ޓްވީޓެއްގައި އޭނާ ބުނީ، ''ޑޯނޯޓް ގެޓް ޓޫ އެޓޭޗްޑް'' އެވެ.

ޑީސީ ފިލްމުން ހަދާ މި ފިލްމުގައި ހިމެނޭ މަޝްހޫރު ތަރިންގެ ތެރޭގައި، މާގޯ ރޮބީ، އިދްރީސް އެލްބާ، ވަޔޯލާ ޑޭވިސް އަދި ނިއުޒިލޭންޑްގެ އެކްޓަރު ޓައިކާ ވައިޓީޓީ ހިމެނޭއެވެ. ފިލްމުގައި ހިމެނޭ އިތުރު ތަރިންގެ ތެރޭގައި، ނޭތަން ފިލިއަން، ޖޯލް ކިނަމެން، ''ޑޮކްޓަރ ހޫ'' ފިލްމުގެ ތަރި ޕީޓާރ ކަޕަލްޑީގެ އިތުރުން ޕީޓް ޑޭވިޑް ސަންއެވެ.

މި ފިލްމަކީ ރީބޫޓަކަށް ވާތީވެ ކުރީގެ ސުއިސައިޑް ސްކޮޑް އިން ފެނިގެން ދިޔަ ޖަރެޑް ލެޓޯ މި ފިލްމުގައި ފެނިގެން ނުދާނެއެވެ. 2016 ވަނަ އަހަރު ނެރުނު ސުއިސައިޑް ސްކޮޑް ފިލްމު ޑައިރެކްޓް ކޮށްފައިވާނީ ޑޭވިޑް އަޖޭރްއެވެ. 175 މިލިއަން ޑޮލަރުން ހެދި އެ ފިލްމު ވަނީ 746 މިލިއަން ޑޮލަރު ބޮކްސް އޮފީހުގައި ހޯދާފައެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: އަމަން ހަލީމް
0%
0%
0%
0%
0%
0%
ކޮމެންޓް