ރާއްޖެ
ގދ. ތިނަދޫ
ތިނަދޫއަށް ބޯކޮށް ވާރޭ ވެހި، ފެންބޮޑުވެއްޖެ
އެމްއެންޑީއެފް އިން ދަނީ ހަރަކާތްތެރިވަމުން
އުމްނާ އިސްމާއިލް, ރާއްޖެ އެމްވީ | 7 ސެޕްޓެމްބަރު 2019 | ހޮނިހިރު 03:24
އެމްއެންޑީއެފް އިން ދަނީ ހަރަކާތްތެރިވަމުން
ގދ. ތިނަދޫއަށް ބޯކޮށް ވާރޭ ވެހި، އެ ރަށުގެ ބައެއް ސަރަހައްދުތަކުގައި ފެންބޮޑުވެއްޖެއެވެ.
މޯލްޑިވްސް ނެޝަނަލް ޑިފެންސް ފޯރސް (އެމްއެންޑީއެފް) ގެ ސަދާރން އޭރިއާގެ ތިނަދޫ ފަޔަރ ސްޓޭޝަން ގެ ސިފައިން ދަނީ ފެން ހިއްކުމުގެ މަސައްކަތް ކުރަމުން ކަމަށް އެމްއެންޑީއެފް އިން މައުލޫމާތުދެއެވެ.
ގދ. ތިނަދޫ އަށް ބޯކޮށް ވާރޭ ވެހި ފެންބޮޑުވެފައިވާއިރު މެޓް އޮފީހުން ވަނީ ހުވަދޫ އަތޮޅަށް ރީނދޫ އެލާޓެއް ނެރެފައެވެ.
މެޓް އޮފީހުން ރީނދޫ އެލާރޓް ނެރެފައިވަނީ ހުކުރު ދުވަހުގެ ރޭގަނޑު 22:30 އިން ދަންވަރު 01:00 އަށެވެ.
މެޓް އޮފީހުން ބުނީ އެ ސަރަހަށްދަށް ބޯކޮށް ވާރޭވެހުމާއި އެކު ގުގުރުން އެކަށީގެންވާކަމަށެވެ.
