އިހަވަންދުއާއި ކުޅުދުއްފުށީގައި ގެ އަޅަން ބޭނުންވާ ފަރާތްތަކަށް ހައުސިންގ ސްކީމްގެ ދަށުން ފުރުސަތު ހުޅުވާލައިފި
4 ސެޕްޓެމްބަރު 2019 | ބުދަ 03:42ކުޅުދުއްފުށީގެ ގެ އެޅުމަށް އެދޭ ފަރާތްތަކުން ލިޔުން ހުށައަޅަން ޖެހެނީ ސެޕްޓެމްބަރު މަހުގެ 15 ވަނަ ދުވަހުގެ ކުރިން
ފްލެޓް
އިހަވަންދުއާއި ކުޅުދުއްފުށީގައި ގެ ނާޅާ ހުރި ގެވަޅުތަކުގައި ގެ އަޅަން ބޭނުންވާ ފަރާތްތަކަށް ސަރުކާރުގެ ހައުސިންގ ސްކީމްގެ ދަށުން އެ ފުރުޞަތު ހުޅުވާލައިފިއެވެ.
ގެ ނާޅާ ހުރި ގެވަޅުތަކުގައި ގެ އަޅަން ސަރުކާރުގެ ސްކީމްގައި ހިމަނާފައިވަނީ ގެ އެޅުމުގައި މާލީ ދަތިކަން ދިމާވެފައިވާ ފަރާތްތަކަށް އެހީތެރިކަން ދިނުމުގެ ގޮތުންނެވެ. މިގޮތަށް ގެ އަޅައިދިނުމަށް ހަމަޖެހިފައިވަނީ 900 އަކަފޫޓު ހިމެނޭ ބިންތަކުގައި ކަމަށް ވާއިރު، ސްކީމް ގެދަށުން އަޅައިދިނުމަށް ހަމަޖެހިފައިވަނީ 3 ކޮޓަރީގެ ގެތަކެވެ.
ކުޅުދުއްފުށީގައި ގެ އެޅުމަށް އެދޭ ފަރާތްތަކުން ލިޔުން ހުށައަޅަން ޖެހެނީ ސެޕްޓެމްބަރު މަހުގެ 15 ވަނަ ދުވަހުގެ ކުރިން އެރަށު ކައުންސިލަށެވެ. އަދި އިހަވަންދޫ ރައްޔިތުން ލިޔުން ހުށައަޅަންޖެހެނީ އަންނަ ސެޕްޓެމްބަރު މަހުގެ 12 ވަނަ ދުވަހުގެ ކުރިން އެރަށުގެ ކައުންސިލަށެވެ.
ރަށްރަށުގައި ބޯހިޔާވަހިކަން ބޭނުންވާ މީހުންގެ މިންވަރު ދެނެގަތުމަށް ކައުންސިލްތަކާއި ގުޅިގެން ހައުސިން މިނިސްޓްރީއިން ގެންދަނީ މަސައްކަތް ކުރަމުންނެވެ.
