އެމްޑީޕީގެ ބޮޑު ދިދަ ވިހުރުވި "ފްލެގް މޭން" ހޯދިއްޖެ: ޖެންޑަރ މިނިސްޓްރީ
އޭނާ ހޯދުމުގެ މަސައްކަތް ކުރަމުންދާ ކަމަށް ހުކުރު ދުވަހުގެ ރޭ ޓްވީޓު ކުރި
ފްލެގް މޭން
އެމްޑީޕީގެ މުޒާހަރާތަކާއި އެއްވުންތަކުގައި އެ ޕާޓީގެ ބޮޑު ދިދަ ވިހުރުވި "ފްލެގް މޭން" ހޯދިއްޖެ ކަމަށް ޖެންޑަރ މިނިސްޓްރިީން ބުނެފިއެވެ.
ޖެންޑަރ މިނިސްޓްރީން މިހެން ބުނެފައި ވަނީ "ފްލެގް މޭން" މާރުކޭޓު ސަރަހައްދުގައި ވަރަށް ހާލު ދެރަކޮށް ގޮނޑިއެއްގައި އިން ފޮޓޯއެއް ސޯޝަލް މީޑިއާގައި އާއްމުކޮށް، މީހަކު ކުރި ޓްވީޓަކާއި ގުޅިގެން ހުކުރު ދުވަހުގެ ރޭ އޭނާ ހޯދުމުގެ މަސައްކަތް ކުރަމުންދާ ކަމަށް ބުނެ ޓްވިޓަރގައި ޖަވާބު ދިނުމަށްފަހުއެވެ.
އެ ޓްވީޓަށް މިނިސްޓްރީން ދިން ޖަވާބުގައި ބުނެފައިވަނީ އެމީހާ ހޯދުމުގެ މަސައްކަތް ކުރަމުންދާ ކަމަށާއި އޭނާ ހޯދުމުގައި އާންމުންގެ އެހީތެރިކަން ބޭނުންވާ ކަމަށެވެ.
އެމްޑީޕީގެ މުޒާހަރާތަކުގެ އެންމެ ކުރީ ސަފުގައި އެޕާޓީގެ ދިދަ ވިހުރުވާ "ފެލެގްމޭން" އަށް އަޅާ ނުލި ކަމަށް ބުނެ ގިނަ ބަޔަކު ދަނީ އެޕާޓީއަށް ފާޑު ކިޔަމުންނެވެ. އެގޮތުން އާންމުންގެ ފާޑު ކިޔުން އެމްޑީޕީއަށް އަމާޒުވެފައިވަނީ އެމްޑީޕީއަށްޓަކައި ގުރުބާންވި "ފްލެގްމޭން" އެޕާޓީގެ ވެރިކަމެއްގައި ހާލުގައި ޖެހިފައިވުމުންނެވެ.
