އެމެރިކާގެ އެހީގައި ރާއްޖޭގެ ފަނޑިޔާރުންނަށް ހާއްސަ މަހާސިންތާއެއް ފަށައިފި
24 އޯގަސްޓު 2019 | ހޮނިހިރު 08:17ލަންކާގެ ފަނޑިޔާރުން ބައިވެރިވެވަޑައިގަންނަވާ
ޖުޑިޝަލް އެކްސްޗޭންޖް އޮން އޮލްޓަނޭޓިވް ޑިސްޕިއުޓް ރިޒޮލިއުޝަން ސެމިނަރގެ ތެރެއިން
އެމެރިކާގެ ސްޓޭޓް ޑިޕާޓްމެންޓުގެ އެހީގައި ރާއްޖޭގެ 15 ފަނޑިޔާރުން ބައިވެރިވާ ގޮތަށް މަދަނި މައްސަލަތަކާއި ގުޅޭ ސަރަހައްދީ ސެމިނަރ އެއް ފަށައިފިއެވެ.
ހޮނިހިރު ދުވަހުގެ ހެނދުނު ހޮޓެލް ޖެންގައި ފެށި ސެމިނަރ އަކީ ޖުޑިޝަލް އެކްސްޗޭންޖް އޮން އޮލްޓަނޭޓިވް ޑިސްޕިއުޓް ރިޒޮލިއުޝަން ނަމުގައި ކުރިޔަށްދާ ތިން ދުވަހުގެ މަސައްކަތު ބައްދަލުވުމެކެވެ.
އެ ސެމިނަރ އަކީ މޯލްޑިވްސް އިންޓަނޭޝަނަލް އަރބިޓްރޭޝަން ސެންޓަރު ( އެމްއައިއޭސީ) އާއި ސިލޯން ޗެމްބަރ އޮފް ކޮމާސް ބައިވެރިވާ ގޮތަށް ކުރިޔަށްގެންދާ ބައްދަލުވުމެކެވެ. އެ ބައްދަލުވުމުގައި 21 ފަނޑިޔާރުން ބައިވެރިވެ ވަޑައިގަންނަވައެވެ. އޭގެ ތެރޭގައި ދިވެހިރާއްޖޭގެ ސުޕްރީމް ކޯޓުގެ ދެ ފަނޑިޔާރަކާއި ހައިކޯޓުގެ ހަ ފަނޑިޔާރަކާއި ސިވިލް ކޯޓުގެ ހަތް ފަނޑިޔާރުން ބައިވެރިވެވަޑައިގަންނަވައެވެ.
ސްރީލަންކާއިން ބައިވެރިވެވަޑައިގަންނަވަނީ ހަ ފަނޑިޔާރުންނެވެ. އެބޭފުޅުންނަށް މައުލޫމާތު ދެއްވާ މާހިރުންގެ ތެރޭގައި އެމެރިކާގެ ދެ ފަނޑިޔާރަކާއި ހޮންގކޮންގެ ފަނޑިޔާރަކެވެ.
އަރބިޓްރޭޝަން ސެންޓަރަކީ ރާއްޖޭގެ އަރބިޓްރޭޝަން ކުރިއެރުވުމުގެ ގޮތުން އުފައްދާފައިވާ ސެންޓަރެކެވެ.
