ރީޖަނަލް ޑޮމެސްޓިކް ކޮމާޝަލް ޕޯޓެއް ކަނޑައެޅޭ ސަރަހައްދުތަކުގައި އެޅިގެންދާނެ : މިނިސްޓަރ އަސްލަމް
ގަނޑުކޮށް މުދާ ގެންދިއުމުގެ މަސައްކަތް މި ޕޯޓުން ކުރެވޭނެ
ޕްލޭނިންގް މިނިސްޓަރު މުހައްމަދު އަސްލަމް އެމްޑީޕީގެ ކައުންސިލަރުންގެ ކޮންފަރެންސްގައި ވާހަކަފުޅު ދައްކަވަނީ
ރީޖަނަލް ޑޮމެސްޓިކް ކޮމާޝަލް ޕޯޓެއް ކަނޑައެޅޭ ސަރަހައްދުތަކުގައި އެޅުމަށްޓަކާ މަސައްކަތްތައް ކުރެވެމުންދާ ކަމަށް ޕްލޭނިންގް މިނިސްޓަރު މުހައްމަދު އަސްލަމް ވިދާޅުވެއްޖެއެވެ.
މިނިސްޓަރ މިހެން ވިދާޅުވީ، ހުކުރު ދުވަހު އޮތް އެމްޑީޕީގެ ކައުންސިލަރުންގެ ކޮންފަރެންސްގައި ވާހަކަފުޅު ދައްކަވަމުންނެވެ.
މިނިސްޓަރ އަސްލަމް ވިދާޅުވީ، ގަނޑުކޮށް މުދާ ގެންދިއުމުގެ މަސައްކަތް މި ޕޯޓުން ކުރެވޭނެކަމަށެވެ. އެގޮތުން ކޮންސްޓްރަކްޝަން މެޓީރިއަލް، ކާބޯތަކެތި ގެންދެވޭނެ ކަމަށްވެސް ވިދާޅުވިއެވެ. އަދި ޑޮމެސްޓިކް ކޮމާޝަލް ޕޯޓުތަކެއް ކަނޑައެޅޭ ކޮންމެ ސަރަހައްދުތަކެއްގައި ގާއިމު ކުރެވޭނެ ކަމަށްވެސް ވިދާޅުވިއެވެ.
މީގެ އިތުރުން ކޮންމެ ސަރަހައްދެއްގައި ސެންޓްރަލް ފެރީ ޓާރމިނަލެއް އެޅުމުގެ އިތުރުން ކޮންމެ ރަށެއްގައި ވެސް ފެރީޓާރމިނަލް އެއް އެޅުމަށްޓަކާ ވެސް މަސައްކަތް ވެސް ކުރައްވާ ކަމަށާއި އިންލޭންޑް ޓްރާންސްޕޯޓު ބޭނުންވާ ބައެއް ރަށްރަށުގައި ވެސް އިންލެންޑް ޓްރާންސްޕޯޓު ގާއިމު ކުރުމަށް މަސައްކަތް ކުރައްވާ ކަމަށްވެސް ވިދާޅުވިއެވެ. އަދި އިންލެންޑް ޓްރާންސްޕޯޓު ގާއިމު ކުރެވުމުން ބަހުގެ ޚިދުމަތް ދެވޭނެ ގޮތް ހަމަޖައްސަވާދެއްވާނެ ކަމަށް ވެސް ވިދާޅުވިއެވެ.
