ކ. މާލެ
|
21 އޯގަސްޓް 2019 | ބުދަ 00:26
ސެންޓްރަލް ޒޯން ވޮލީ މުބާރާތުގައި ރާއްޖެއިން ކުޅުނު ފުރަތަމަ މެޗުގެ ތެރެއިން
ސެންޓްރަލް ޒޯން ވޮލީ މުބާރާތުގައި ރާއްޖެއިން ކުޅުނު ފުރަތަމަ މެޗުގެ ތެރެއިން
ވީނިއުސް
ސެންޓްރަލް ޒޯން ވޮލީ މުބާރާތް
ސެންޓްރަލް ޒޯން: ރާއްޖޭގެ ގައުމީ ފިރިހެން ވޮލީ ޓީމު ކުޅުނު ފުރަތަމަ މެޗުން ބަލިވެއްޖެ
 
މެޗުން ރާއްޖެ ބަލިވީ ސީދާ ތިން ސެޓުން

ނޭޕާލުގައި މިހާރު ކުރިޔަށްދާ ސެންޓްރަލް ޒޯން ވޮލީ މުބާރާތުގައި ރާއްޖޭގެ ގައުމީ ސީނިއަރ ވޮލީ ޓީމު ކުޅުނު ފުރަތަމަ މެޗުން ބަލިވެއްޖެއެވެ.

ރާއްޖޭގެ ސީނިއަރ ފިރިހެން ވޮލީ ޓީމް، ކިރިގިސްތާނުގެ ސީނިއަރ ފިރިހެން ވޮލީ ޓީމު އަތުން ބަލިވީ ސީދާ ތިން ސެޓުންނެވެ.

މެޗުގެ ފުރަތަމަ ސެޓު ކިރިގިސްތާނުން ވަނީ ފަސޭހަކަމާއި އެކު ގެންގޮސްފައެވެ. މި ސެޓު ކިރިގިސްތާނުން ކާމިޔާބުކުރީ 25-15 އިންނެވެ.

ދެވަނަ ސެޓުގައި ރާއްޖެއިން ރަނގަޅަށް ކުޅުނުއިރު މިސެޓު ނިމުމަކާއި ގާތްވަންދެން ރާއްޖެއިން ލީޑު ކުރިނަމަވެސް ކިރިގިސްތާނުން ވަނީ އެޓީމުގެ ކުޅުން އިތުރަށް ވަރުގަދަކޮށް ސެޓު ގެންގޮސްފައެވެ. މި ސެޓު ކިރިގިސްތާނުން ކާމިޔާބު ކުރީ 26-24 އިންނެވެ.

މެޗުގެ ތިންވަނަ ސެޓުގައިވެސް ރާއްޖެއިން ވަނީ ރަނގަޅަށް ކުޅެފައެވެ. މި ސެޓު ކިރިގިސްތާނުން ގެންދިޔައީ 25-19 އިންނެވެ.

ސެންޓްރަލް ޒޯން ވޮލީ މުބާރާތުގައި ރާއްޖެއިން ކުޅުނު ފުރަތަމަ މެޗުގެ ތެރެއިން

މި މުބާރާތުގައި ކިރިގިސްތާނުން ކުޅުނު ފުރަތަމަ މެޗުން އެޓީމު މޮޅުވީ މުބާރާތް ބާއްވާ ގައުމު ކަމަށްވާ ނޭޕާލު އަތުން ސީދާ ތިން ސެޓުންނެވެ. ލިބުނު ދެ މޮޅާއިއެކު ކިރިގިސްތާނުން ވަނީ މުބާރާތުގެ ސެމީ ފައިނަލަށް ދަތުރުކޮށްފައެވެ.

މުބާރާތުގައި ރާއްޖެ ކުޅޭ ދެވަނަ މެޗުގައި ނިކުންނާނީ މުބާރަތް ބާއްވާ ޤައުމު ނޭޕާލާއި ދެކޮޅަށެވެ.

މުބާރާތަށް ތައްޔާރުވުމުގެ ގޮތުން ރާއްޖެއިން ވަނީ ލަންކާއާއި ދެކޮޅަށް އެކުވެރިކަމުގެ މެޗުތަކެއް ކުޅެފައެވެ. އަދި މުބާރާތާއި ރާއްޖޭގެ ޓީމު ކުރިމަތިލީ ރަން މެޑައްޔަށް އަމާޒު ހިފައިގެންނެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
0%
0%
0%
100%
0%
0%
ކޮމެންޓް