އީރާނުގެ ޓޭންކަރު ހިފެހެއްޓުމަށް އެދި އެމެރިކާއިން އަމުރެއް ނެރެފި
17 އޯގަސްޓު 2019 | ހޮނިހިރު 05:01އެއީ ގްރޭސް 1 ނަމަކަށް ކިޔާ ޓޭންކަރެއް
އިރާންގެ ޤައުމީ ދިދަ | ރޮއިޓަރސް
ޖިބްރޯލްޓާ އިން ހިފަހައްޓާފައިވާ އީރާނުގެ ތެޔޮ ޓޭންކަރު "ގްރޭސް 1" ދޫކޮށްލުމަށް ޖިބްރޯލްޓާގެ ފަނޑިޔާރު އަންގާފައިވަނިކޮށް, އެމެރިކާއިން އަނެއްކާވެސް ޓޭންކަރު ހިފެހެއްޓުމަށް އެދިއްޖެއެވެ.
ހުކުުރު ދުވަހު އެމެރިކާގެ ޖަސްޓިސް ޑިޕާޓްމަންޓުން ނެރުނު އަމުރުގައި ބުނެފައިވަނީ ޓޭންކަރު ބްރިޓިޝްގެ މެޑިޓަރޭނިއަން ކަނޑުގެ ސަރަހައްދުގައި ވަނިކޮށެވެ. އެގޮތުން ދަތިކުރުމުގެ ފިޔަވަޅުތަކާ ޚިލާފަށް ސީރިއާ އަށް ތެޔޮ އުފުލާ ކަމުގެ ތުހުމަތު އެމެރިކާއިން ކުރާއިރު، އިރާނުގެ އަމަލަކީ އިންޓަރނޭޝަނަލް އެމަރޖެންސީ އިކޮނޮމިކް ޕަވަރސް އެކްޓް (އައިއީއީޕީއޭ) އާ ޚިލާފު އަމަލެއް ކަމަށާއި، ބޭންކް ފްރޯޑާއި، މަނީ ލޯންޑަރިންގ ހިމެނޭ ކަމަށް އެމެރިކާގެ އަމުރުގައި ވަނީ ބުނެފައެވެ.
ޓޭންކަރު ހިފެހެއްޓުމަށް އެދި އަމުރެއް ނެރިފައިވާއިރު، ޓޭންކަރު ދޫކޮށްނުލުމަށް އެމެރިކާގެ ޖަސްޓިސް ޑިޕާޓްމަންޓުން މީގެ ކުރިން ކޯޓުގައި އެދިފައިވީނަމަވެސް އެއީ ރަސްމީ ހުށަހެޅުމެއްގެ ގޮތުގައި އޭރު ޖިބްރޯލްޓާގެ ސުޕްރީމް ކޯޓުން ބަލައިގެންފައެއްނުވެއެވެ.
މި ތުހުމަތުތަކަށް އިރާނުން ދެކޮޅުހަދާއިރު، ގްރޭސް 1 ހިފެހެއްޓުމާ ގުޅިގެން އިނގިރޭސިވިލާތާއި އީރާނާދެމެދުވެސް ވަނީ ނުތަނަވަސްކަން އުފެދިފައެވެ.
އޭގެ އިތުރުން، އެމެރިކާއިން ވަނީ އީރާންއާ ދެކޮޅަށް ދަތި ކުރުމުގެ ފިޔަވަޅުތައް ވަރުގަދަކޮށް ، އީރާން ސަރުކާރުގެ އިސް އޮފިޝަލުންގެ އިތުރުން އެ ގައުމުގެ ރޫހާނީ ލީޑަރު އާޔަތުއްލާ އަލީ ހާމަނާއީއާ ދެކޮޅަށް ވެސް ދަތިކުރުމުގެ ފިޔަވަޅު އަޅާފައެވެ. ނަމަވެސް އީރާނުން ވަނީ އެމެރިކާއަށް ދޫނުދޭނެ ކަމުގެ އިންޒާރު ދީފައެވެ.
