ރާއްޖޭގެ ގައުމީ ވޮލީ ޓީމާއި ލަންކާގެ ވޮލީ ޓީމު ބައްދަލުކުރި އެކުވެރި ކަމުގެ ފަހު މެޗުން ވެސް ރާއްޖޭގެ ޓީމު ބަލިވެއްޖެ އެވެ.

އެކުވެރި ކަމުގެ ފަހު މެޗުން ރާއްޖޭގެ ގައުމީ ފިރިހެން ވޮލީ ޓީމު ބަލިވީ ތިން ސެޓު އެއް ސެޓުންނެވެ.

މެޗުގައި ރާއްޖެއިން ރަނގަޅު ކުޅުމެއް ދައްކައިފައި ވެއެވެ. އެގޮތުން މެޗުގެ ފުރަތަމަ ސެޓު ރާއްޖެއިން ވަނީ ކާމިޔާބު ކޮށްފައެވެ. މި ސެޓު ރާއްޖޭގެ ޓީމުން ގެންދިޔައީ 22-25 ހުންނެވެ.

މެޗުގެ ދެވަނަ ސެޓު އަދި ތިން ވަނަ ސެޓުގައި ދެ ޓީމުގެ ފަރާތުން ވާދަވެރި ކުޅުމެއް ފެނިގެން ދިޔައިރު މެޗުގެ ދެވަނަ ސެޓު ލަންކާއިން ގެންދިޔައީ 25-20 އިންނެވެ. އަދި ތިން ވަނަ ސެޓު ލަންކާއިން ގެންދިޔައީ 25-22 އިންނެވެ. މެޗުގެ ފަހު ސެޓުގައި ލަންކާގެ ޓީމުން ތަފާތު މޮޅު ކުޅުމެއް ފެނިގެން ދިޔައިރު މި ސެޓުގައި ރާއްޖޭގެ ޓީމުގެ ފަރާތުން ފެނިގެންދިޔައީ އާދައިގެ ކުޅުމެކެވެ. މި ސެޓު ލަންކާއިން ގެންދިޔައީ 25-13 އިންނެވެ.

ލަންކާއާ ދެކޮޅަށް ރާއްޖެއިން ވަނީ ހޯމަ ދުވަހުގެ ރޭ ވެސް މެޗެއް ކުޅެފައެވެ. އެ މެޗުން ރާއްޖެ ތިން ސެޓުން ވަނީ ބަލިވެފައެވެ. އެ މެޗަކީ ފަރިތަކުރުމުގެ ގޮތުން ކުޅުނު މެޗެކެވެ.

އަންގާރަ ދުވަހުގެ ރޭ ލަންކާއާއި ދެކޮޅަށް ކުޅުނު މެޗުން ރާއްޖޭގެ ޓީމު ބަލިވީ ތިން ސެޓު އެއް ސެޓުންނެވެ. މި މެޗު ބައްލަވައިލައްވަން ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހު ވަޑައިގެންނެވިއެވެ.

ލަންކާއާ ދެކޮޅަށް ރާއްޖެ ޖުމްލަ ތިން މެޗު ކުޅުމަށް ހަމަޖެހިފައިވާއިރު، ބުދަ ދުވަހުގެ ރޭ ފަރިތަކުރުމުގެ ގޮތުން ކުޅުނު މެޗުން ރާއްޖެ ބަލިވީ ތިން ސެޓު އެއްސެޓުންނެވެ.

ލަންކާއާ ދެކޮޅަށް ރާއްޖެއިން ކުޅޭ މި ރަހުމަތްތެރިކަމުގެ މެޗުތަކަކީ ކުރިޔަށް އޮތް ސެންޓްރަލް ޒޯން މުބާރާތަށް ތައްޔާރުވުމުގެ ގޮތުން ރާއްޖެއިން ކުޅޭ މެޗުތަކެކެވެ.