ޓްރާންސްފަރ މާކެޓަށްފަހު އިނގިރޭސި ޕްރިމިއާ ލީގުގެ މެޗުތައް މިރޭ ފަށާނެއެވެ.

މި ފަހަރުގެ ޓްރާންސްފަރ މާކެޓުގައި އިނގިރޭސި ކްލަބްތަކުން ވަނީ ބޮޑެތި ހަރަދުތަކެއް ކޮށްފައެވެ. އެ ގޮތުން ކްލަބްތަކުގެ ސްކޮޑް ވަރުގަދަކޮށް އާ ސީޒަނަށް ވަނީ އެ ކްލަބްތަކުން ތައްޔާރުވެފައެވެ.

މި އަހަރުގެ ޓްރާންސްފަރ މާކެޓްގައި އެންމެ ބޮޑު ހަރަދެއްކުރި އިނގިރޭސި ކްލަބަކީ މެންޗިސްޓަރ ޔުނައިޓެޑެވެ. އެ ގޮތުން އެޓީމު އާ ސީޒަނާއި ކުރިމަތިލާއިރު އެޓީމުން ވަނީ ޓްރާންސްފަރ މާކެޓްގައި 148 މިލިއަން ޕައުންޓް ހޭދަކޮށްފައެވެ. އެގޮތުން ދުނިޔޭގެ އެންމެ އަގު ބޮޑު ޑިފެންޑަރުގެ ގޮތުގައި މެގުއާ ގެ ސޮއި ޔުނައިޓެޑުން ވަނީ ހޯދައިފައެވެ.

ޓްރާންސްފަރ މާކެޓްގައި ދެވަނައަށް އެންމެ ބޮޑު ހަރަދެއް ކުރި ޓީމަކީ އެސްޓަން ވިލާއެވެ. އެޓީމު ވަނީ މިއަހަރުގެ ޓްރާންސްފަރ މާކެޓުގައި 144.5 މިލިއަން ޕައުންޑް ހަރަދު ކޮށްފައެވެ. އެޓީމުން ވަނީ ސްކޮޑް ވަރުގަދަ ކުރުމުގެ ގޮތުން ގިނަ ކުޅުންތެރިންތަކެއް ޓީމަށް ގެންގޮސްފައެވެ. އެގޮތުން ވެސްލީއާއި މެޓް ޓާރިގެޓްގެ އިތުރުން ލުއިޒްގެ ސޮއި ހޯދައިފައެވެ.

ތިންވަނައަށް އެންމެ ބޮޑު ހަރަދެއްކޮށްފައިވާ ކްލަބަކީ އާސެނަލްއެވެ. އާސެނަލް އިންވަނީ މި ޓްރާންސްފަރ މާކެޓްގައި 138 މިލިއަން ޕައުންޑް ހޭދަކޮށްފައެވެ. އެގޮތުން އެޓީމުން ވަނީ ޕެޕޭ، ކިއެރަންގެ އިތުރުން ޑޭވިޑް ލުއިޒްގެ ސޮއި ހޯދައިފައެވެ.

މިފަހަރުގެ ޓްރާންސްފަރ މާކެޓްގައި އެންމެ މަދުން ހަރަދުކުރި ޓީމަކީ ނޯވިޗްއެވެ.