2.5 ކިލޯގެ މަސްތުވާތަކެތި އަތުލައިގަނެފި
8 އޯގަސްޓު 2019 | ބުރާސްފަތި 19:47ހައްޔަރު ކޮށްފައިވަނީ ދިވެހި ފިރިހެނަކާއި ކޮސްޓާރިކާ އަންހެނެއް
މީގެ ކުރިން އަތުލައިގަނެވުނު މަސްތުވާތަކެއްޗެއް
ވައިގެ މަގުން ރާއްޖެ އެތެރެކުރަން އުޅުނު 2.5 ކިލޯ މަސްތުވާތަކެތި އަތުލައި، ކޮސްޓާރިކާ އަންހެނަކާއި, ދިވެހި ފިރިހެނަކު ހައްޔަރުކޮށްފައިވާ ކަމަށް ކަސްޓަމްސް އިން ބުނެފި އެވެ.
ދެމީހުންގެ ތެރެއިން އުމުރުން 28 އަހަރުގެ ދިވެހި މީހާ ހައްޔަރުކޮށްފައިވަނީ ހޯމަ ދުވަހު އެވެ. ބްރެޒިލް އިން އައި 35 އަހަރުގެ ކޮސްޓާރިކަ އަންހެން މީހަ ހައްޔަރުކުރީ ބުދަ ދުވަހު އެވެ. ކަސްޓަމްސް އިން ބުނީ، ބަލައި ފާސްކުރުމުގެ ތެރޭގައި އޭނާގެ ލަގެޖުން ފެނުނު މަސްތުވާތަކެތި ކޮކެއިން އަށް ޕޮޒިޓިވްވެފައިވާ ކަމަށެވެ. އޭގެ ބަރުދަނުގައި ޖުމްލަ 2.1 ކިލޯ ހުއްޓެވެ.
އިންޑިއާގެ ޗެންނާއިން ރާއްޖެ އައި ދިވެހި ފިރިހެން މީހާގެ އަތުން ފެނިފައިވަނީ ހަޝިޝް އޮއިލް އެވެ. އެއްޗެހީގެ ބަރުދަނުގައި ޖުމްލަ 395 ގްރާމް ހުރި ކަމަށް ކަސްޓަމްސް އިން ބުންޏެވެ.
އެ ދެމީހުންގެ އަތުން އަތުލައިގަނެވުނު މަސްތުވާތަކެތީގެ ޖުމްލަ ބަރުދަނުގައި 2.5 ކިލޯ ހުރި ކަމަށާއި، އެ ތަކެތީގެ މަގުމަތީ އަގު ގާތްގަނޑަކަށް ހަތް މިލިއަނަށް އަރާނެ ކަމަށް ކަސްޓަމްސް އިން ލަފާކުރެ އެވެ.
