ދިރާގުން ރާއްޖޭގައި 5ޖީ ތައާރަފްކޮށްފި
31 ޖުލައި 2019 | ބުދަ 18:255ޖީ ސަޕޯރޓްކުރާ ވަސީލަތްތައް ގެންގުޅުއްވާ ދިރާގުގެ ކަސްޓަމަރުންނަށް އިތުރު ޑޭޓާ ޗާރޖަކާ ނުލާ މިހާރު ގެންގުޅުއްވާ ސިމް މެދުވެރިކޮށް މި ހިދުމަތް ބޭނުންކުރެވޭނެ
މި ހިދުމަތް ތައާރަފް ކުރުމާއެކު ރާއްޖޭގެ އާބާދީ އެންމެ ގިނަ ތިން ސަރަހައްދަކަށް ލިބިގެންދާނެއެވެ.
ދިވެހި ރާއްޖޭގައި ފުޅާ ދާއިރާއެއްގައި މުއާސަލާތީ އަދި ޑިޖިޓަލް ހިދުމަތްތައް ފޯރިކޮށްދޭ ކުންފުނި ދިރާގުން މުއާސަލާތީ ޓެކްނޮލޮޖީގެ ތެރެއިން މޯބައިލް އިންޓަރނެޓް ކަނެކްޓިވިޓީގެ އެންމެ ފަހުގެ ޓެކްނޮލޮޖީ ކަމަށްވާ 5ޖީގެ ހިދުމަތް ރާއްޖޭގައި ތައާރަފްކޮށްފިއެވެ.
މި ހިދުމަތް ތައާރަފް ކުރުމާއެކު ރާއްޖޭގެ އާބާދީ އެންމެ ގިނަ ރަށްތައް ކަމަށްވާ، މާލެ، ވިލިމާލެ، ހުޅުމާލެ، އައްޑޫ، ހަތަދޫ އަދި ހދ. ކުޅުދުއްފުށީގެ ބައެއް ސަރަހައްދުތަކަށް މިހާރު މިހިދުމަތް ލިބިގެންދާނެ ކަމަށް ދިރާގުން ބުންޏެވެ. މި ސަރަހައްދުތަކުގައި 5ޖީ ސަޕޯރޓްކުރާ ވަސީލަތްތައް ގެންގުޅުއްވާ ދިރާގުގެ ކަސްޓަމަރުންނަށް އިތުރު ޑޭޓާ ޗާރޖަކާ ނުލާ މިހާރު ގެންގުޅުއްވާ ސިމް މެދުވެރިކޮށް މި ހިދުމަތް ބޭނުންކުރެވޭނެއެވެ.
ދިރާގުން ރާއްޖޭގައި ތައާރަފްކުރި ހިދުމަތާއެކު ރާއްޖެވެގެން ގޮސްފާ މިވަނީ ސައުތް އޭޝިއާ ސަރަަހައްދުގައި މިހިދުމަތް ލިބެންފެށި އެންމެ ފުރަތަމަ ގައުމަށެވެ.
ދުނިޔޭގެ ފޯނު އުފައްދާ ބޮޑެތި ކުންފުނިތަކާ ގުޅިގެން އެންމެ ފަހުގެ 5ޖީ ސަޕޯރޓް ކުރާ ފޯނާ އެހެނިހެން ވަސީލަތްތައް ރާއްޖޭގެ މާކެޓަށް ގެނައުމުގެ މަސައްކަތް ދިރާގުން ދަނީ ކުރަމުންނެވެ.
