މިނިވަން ދުވަހުގެ މުނާސަބަތުގައި ބޭއްވި ހެވިކަމާއި ކުޅިވަރު ރައީސުލްޖުމްހޫރިއްޔާގެ ދެކަނބަލުން ބައްލަވާލައްވައިފި
ރައީސް ސޯލިހް އާއި އެކު އެމަނިކުފާނުގެ އަނބިކަނބަލުން ފަޒްނާ އަޙްމަދު ވެސް ވަނީ ބައްލަވާލައްވައިފަ
ރައީސް އިބްރާހިމް މުހައްމަދް ސޯލިހް
54 ވަނަ މިނިވަން ދުވަސް ފާހަގަކުރުމުގެ މުނާސަބަތުގައި ރަސްމީ ދަނޑުގައި ހުކުރު ދުވަހުގެ ރޭ ބޭއްވި ހެވިކަމާއި ކުޅިވަރުގެ ޕްރޮގްރާމްތައް، ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިހު ބައްލަވާލައްވައިފިއެވެ.
ރައީސް ސޯލިހް އާއި އެކު އެމަނިކުފާނުގެ އަނބިކަނބަލުން ފަޒްނާ އަޙްމަދު ވެސް ވަނީ ކުޅިވަރުތައް ބައްލަވާލައްވައިފައެވެ.
ރައީސް ގެ ދެކަނބަލުންގެ އިތުރުން ހެވިކަމާއި ކުޅިވަރު ބައްލަވާލެއްވުމަށް ރައީސުލްޖުމްހޫރިއްޔާގެ ނައިބު ފައިޞަލް ނަޞީމާއި އެމަނިކުފާނުގެ އަނބިކަނބަލުން ޢާއިޝަތު ޝަމްޞަދާ ވެސް ވަނީ ރަސްމީ ދަނޑަށް ވަޑައިގެންފައެވެ.
ރައީސުލްޖުމްހޫރިއްޔާގެ ދެކަނބަލުން ރަސްމީ ދަނޑަށް ވަޑައިގަތުމުން އެ ދެކަނބަލުންނަށް ވަނީ ރިޔާސީ ކުރުނީހެއް އެރުވާފައެވެ. މީގެއިތުރުން ސިފައިންނާއި ސްކޫލްތައް ހިމެނޭ ބޭންޑެއްގައި ޤައުމީ ސަލާން ކުޅެފައިވެއެވެ.
ދަނޑުގައި ހުށަހަޅައިދިން ކުޅިވަރުގެ ޕްރޮގްރާމްތަކުގައި ބައިވެރިވެފައިވާ ސްކޫލްތަކުގެ ތެރޭގައި ފަލާހު ޕްރީ ސްކޫލް، ދަރުމަވަންތަ ސްކޫލް، މުހްޔިއްދީން ސްކޫލް، އިސްކަންދަރު ސްކޫލް، ރެހެންދި ސްކޫލް، އަދި ވިލާ އިންޓަރނޭޝަނަލް ހައިސްކޫލް ހިމެނެއެވެ.
