ރާއްޖޭގެ މިނިވަން ދުވަހުގެ ތަހުނިޔާ އިނގިރޭސި ވިލާތުގެ ރާނީ އެލިޒަބަތު ފޮނުއްވައިފިއެވެ.
ކުއީން އެލިޒަބަތުގެ މެސެޖުގައި ރައީސް އިބްރާހިމް މުހައްމަދު ސޯލިހަށް ވަނީ މިނިވަންދުވަހުގެ ތަހުނިޔާ ފޮނުއްވާފައެވެ. އަދި ރާއްޖެއަށް އަންނަ އަހަރަކީ އުފާވެރި އަދި ފާގަތި އަހަރަކަށް ވުމަށް އެދިލައްވާކަމަށް މި ބަޔާނުގައިވެއެވެ.
ރާއްޖޭގައި މިނިވަން ދުވަސް ފާހަގަ ކުރަމުން އަންނަނީ ޖުލައި މަހުގެ 26 ވަނަ ދުވަހުއެވެ.
ރާއްޖެއަށް މިނިވަންކަން ލިބުނީ 1965 އަހަރު އިނގެރޭސީންގެ ކިބައިންނެވެ. އެ އެއްބަސްވުމުގައި ރާއްޖޭގެ ފަރާތުން ސޮއިކުރެއްވީ އޭރުގެ ރައީސް އިބްރާހިމް ނާސިރު އެވެ. އޭގެފަހުން ކޮންމެ އަހަރެއްގެ މިނިވަން ދުވަހުގެ މުނާސަބަތުގައިވެސް ކުއީން އެލިޒަބަތު އަންނަނީ ތަހުނިޔާގެ މެސެޖު ފޮނުވަމުންނެވެ.
