"ދަ ލަޔަން ކިންގް" ޕްރިމިއަރ ގައި މޭގަން އާއި ބިޔޯންސޭ ދިމާވެއްޖެ

ލަންޑަންގައި ބޭއްވި "ދަ ލަޔަން ކިންގް" ގެ ޕްރިމިއަރ ގައި ޑަޗަސް އޮފް ސަސެކްސް މޭގަން މާކަލް އާއި ޕޮޕް ލަވަކިޔުންތެރިޔާ ބިޔޯންސޭ ދިމާވެއްޖެ އެވެ.

ރެޑް ކާޕެޓް އިވެންޓްގައި ބިޔޯންސޭ ފެނިގެން ގޮސްފައިވަނީ ރަން ރީނދޫ ކުލައިގެ ގައުން އެއްގައެވެ. މޭގަން ތުރުކުރައްވާފައިވަނީ ކަޅުކުލައިގެ ގައުންއެކެވެ.

އީ ނިއުސްގައި ރިޕޯޓް ކޮށްފައިވާގޮތުން މޭގަން މި އިވެންޓަށް ވަޑއިގެންފައިވަނީ އެނާގެ ފިރިކަލުން ޕްރިންސް ހެރީ އާއި އެކުގައެވެ.

އަދި އެ އިވެންޓުން ބިޔޯންސޭ އާއި އޭނާގެ ފިރިމީހާއާއި، މޭގަން އާއި ހެރީ ދިމާވެ ސަލާމްކޮށް އުފާވެރި ވަގުތުކޮޅެއް ހޭދަކޮށްފައިވާ ކަމަށް ރިޕޯޓްކޮށްފައެވެ. މޭގަން އާއި ހެރީއަށް ދަރިކަލަކު ލިބިވަޑާއިގަތުމުން ބިޔޯންސޭ އާއި އޭނާގެ ފިރިމީހާ އެކަމަށް މަރުހަބާ ކިޔާފައިވާ ކަމަށް ވެސް ރިޕޯޓްތައް ބުނެއެވެ.

ރިޕޯޓްތައް ބުނާ ގޮތުން މިއީ މޭގަން އާއި ބިޔޯންސޭ އާއި ބައްދަލުވި ފުރަތަމަ ފަހަރެވެ. އަދި މި ދެތަރިން އެކުގައި ފޮޓޯއަކުން ފެނިގެންދިޔަ ފުރަތަމަ ފަހަރެވެ.

"ދަ ލަޔަން ކިންގް" ޕްރިމިއަރ ވެގެން ގޮސްފައިވަނީ 2018 ވަނަ އަހަރު ޕްރިންސް ހެރީ އާއި ކައިވެނި ބައްލަވައިގެން ފަހުން މޭގަން ބައިވެރިވި ފުރަތަމަ ރެޑް ކާޕެޓް އިވެންޓަށެވެ. އަދި މޭގަން ރައްކައުވެވަޑައިގެންފަހުން ސެލެބްރިޓީ އިވެންޓެއްގައި މޭގަން ބައިވެރިވި މިއީ ފުރަތަމަ ފަހަރެވެ.