އަންގާރަ 20 އޯގަސްޓު 2019
10 މާ
1440 ޒުލްޙައްޖު 18
ފަތިސް 04:48
އިރުއަރާ 06:01
މެންދުރު 12:13
އަސްރު 15:25
މަޣްރިބް 18:18
އިޝާ 19:32
ކުޅިވަރު - އައިއޯއައިޖީ 2019

އައިއޯއައިޖީ 2019: ފިރިހެން ފުޓުބޯޅަ ޓީމު މޮރިޝަސްއަށް ފުރައިފި

  • ގައުމީ ޓީމުގައި 20 ކުޅުންތެރިން ވަނީ ހިމަނާފައި
  • ފުރަތަމަ މެޗުގައި ބުރާސްފަތި ދުވަހު ނިކުންނާނީ ރީޔޫނިއަންއާ ދެކޮޅަށް

ލީވާން އަލީ
MrLeevaan

ކ. މާލެ 16 ޖުލައި 2019 | އަންގާރަ 09:01 1,328

ގައުމީ ފިރިހެން ފުޓުބޯޅަ ޓީމު - އެފްއޭއެމް

މި މަހުގެ 19 އިން 28 އަށް މޮރިޝަސްގައި ބާއްވާ އިންޑިއަން އޯޝަން އައިލޭޑް ގޭމްސްގައި ބައިވެރިވުމަށް ގައުމީ ފިރިހެން ފުޓުބޯޅަ ޓީމު އެ ގައުމަށް ފުރައިފިއެވެ.

ހޯމަ ދުވަހުގެ ރޭ ފުޓުބޯޅަ ޓީމު މޮރިޝަސްއަށް ފުރާފައިވާއިރު، 20 ކުޅުންތެރިން ވަނީ ސްކޮޑުގައި ހިމަނާފައެވެ.

މުބާރާތުގައި ރާއްޖެ ހިމެނެނީ ރީޔޫނިއަން އާއި މެޔޯޓް އަދި ކޮމޮރޯސްއާއެކު އެއް ގްރޫޕެއްގައެވެ. އަނެއް ގްރޫޕްގައި ހިމެނެނީ މޮރިޝަސް އާއި ސީޝެލްސް އަދި މަޑަގަސްކަރައެވެ.

މުބާރާތުގެ ފުރަތަމަ މެޗުގައި ރާއްޖެ ނިކުންނާނީ އެންމެ ފަހުގެ ޗެމްޕިއަން ރީޔޫނިއަންއާ ދެކޮޅަށެވެ. މި މެޗު ފަށާނީ ރާއްޖެ ގަޑިން މެންދުރު 1 ޖަހާއިރެވެ.

ދެވަނަ މެޗުގައި ހޮނިހިރު ދުވަހު ކޮމޯރަސްއާ ދެކޮޅަށް ނިކުންނައިރު، ތިންވަނަ މެޗުގައި ނިކުންނާނީ މި މަހު 22 ގައި މެޔޯޓްއާ ދެކޮޅަށެވެ. މި ދެ މެޗު ވެސް ކުޅުމަށް ހަމަޖެހިފައިވަނީ ރާއްޖެ ގަޑިން ހަވީރު 16:15 ގައެވެ.

މިފަހަރުގެ މުބާރާތަށް ރާއްޖެއިން ބޭނުންކުރަނީ ޒުވާން ސްކޮޑެކެވެ. މިފަހަރުގެ ސްކޮޑުން ގައުމީ ކެޕްޓަން އަކްރަމް އަބްދުލް ގަނީ ނުހިމަނާއިރު، އެންމެ ދޮށީ ކުޅުންތެރިންނަށް ހިމަނާފައިވަނީ އުމުރުން 31 އަހަރުގެ ދެ ކުޅުންތެރިން ކަމަށްވާ އަލީ ފާސިރު (ސެންޓޭ) އަދި މިދިޔަ އަހަރު ބޭއްވި ސާފް ސުޒުކީ ކަޕްގެ އެންމެ މޮޅު ކުޅުންތެރިޔާ މުހައްމަދު ފައިސަލްއެވެ.

އެންމެ ފަހުން ބޭއްވި އައިއޯއައިޖީ މުބާރާތުގެ ޗެމްޕިއަންކަން ހޯދީ ރީޔޫނިއަންއެވެ. ދެވަނަ ހޯދީ މެޔޯޓްއެވެ. އެފަހަރު ރާއްޖެ ކުޅުނު މެޗުތަކުގެ ތެރެއިން މޮޅުވީ ސީޝެލްސްއާ ދެކޮޅަށް ކުޅުނު މެޗުން އެކަނިއެވެ. މެޔޯޓްއާ ދެކޮޅަށް ކުޅުނު މެޗުން ވަނީ 1-3 ގެ ނަތީޖާއިން ބަލިވެފައެވެ.

އެންމެ ފަހުން އަޕްޑޭޓް ކުރީ: 1 މަސްކުރި | ރިވިއު ކުރީ: ހުޝާމް މުހަޢްމަދް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް