ރާއްޖެ އަށް މަސްތުވާތަކެތި އެތެރެކުރަން އުޅުނު ދެ ދިވެހި އަތުލައިގަނެފި
15 ޖުލައި 2019 | ހޯމަ 04:13ހައްޔަރު ކޮށްފައިވަނީ އުމުރުން 22 އަހަރުގެ ދިވެހި ފިރިހެނެއްގެ އިތުރުން 24 އަހަރުގެ ދިވެހި އަންހެނެއް
2016ވަނަ އަހަރު އިންޑިއާއިން ރާއްޖެ އެތެރެކުރަން އުޅެނިކޮށް އަތުލައިގަނެފައިވާ މަސްތުވާތަކެތި
އިންޑިއާއިން ރާއްޖެއަށް މަސްތުވާތަކެތި އެތެރެކުރަން އުޅުނު ދެ ދިވެހިން ޗެންނާއީ އެއާޕޯޓުން ހައްޔަރު ކޮށްފިއެވެ.
މަސްތުވާތަކެތީގެ ބާވަތެއް ކަމުގައިވާ ހަޝިޝް އޮއިލް އެތެރެ ކުރަން އުޅެނިކޮށް ހައްޔަރު ކޮށްފައިވަނީ އުމުރުން 22 އަހަރުގެ ދިވެހި ފިރިހެނެއްގެ އިތުރުން 24 އަހަރުގެ ދިވެހި އަންހެނެކެވެ.
ޝޭމްޕޫ ފުޅިތަކެއްގައި ބަންދުކޮށްގެން އެތެރެކުރަން އުޅުނު އެއްކިލޯއަށް ވުރެ ގިނަ މަސްތުވާތަކެތި އަތުލައިގަނެފައިވަނީ އާދިއްތަދުވަހުގެ ރޭ، މާލެ ފުރުމަށް ޗެންނާއީ އެއާޕޯޓްގައި ތިއްބައެވެ.
ޓައިމްސް އޮފް އިންޑިއާ ނޫހުގައި ބުނެފައިވާގޮތުން ހައްޔަރުކޮށްފައިވާ ދެމީހުންވެސް އިންޑިއާއަށް ދިޔައީ މީގެ 20 ދުވަސް ކުރިން ކަމަށާއި ޓްރިވެންޑްރަމްގައި ތިބުމަށްފަހު ޗެންނާއީއަށް ދިޔައީ މިދިޔަ ހަފްތާގައެވެ. އަދި ޗެންނާއީގެ އެގްމޯރ ހޮޓަލުގައި ތިބުމަށްފަހު ހަސިޝް އޮއިލް ގަތީ ޗެންނާއީ މީހެއްގެ އަތުން ކަމަށާއި އެ ދެމީހުން އަތުލައިގަތީ ޗެންނާއީގެ އެންސީބީއަށް ލިބުނު މައުލޫމާތަކަށް ބިނާކޮށް ކަމަށްވެސް ޓައިމްސް އޮފް އިންޑިއާ ނޫހުގައި ވަނީ ބުނެފައިވެއެވެ.
