ކ. މާލެ
|
14 ޖުލައި 2019 | އާދީއްތަ 09:35
ޔުނައިޓެޑުގެ ކުޅުންތެރިން އުފާ ފާޅުކުރަނީ
ޔުނައިޓެޑުގެ ކުޅުންތެރިން އުފާ ފާޅުކުރަނީ
ޓްވިޓަރ
ކްލަބް ފްރެންޑްލީ
ކްލަބް ފްރެންޑްލީ: ޕާތު ގްލޯރީގެ މައްޗަށް ޔުނައިޓެޑު ކުރިހޯދައިފި
 
ޕާތު ގްލޯރީގެ މައްޗަށް ޔުނައިޓެޑު ކުރިހޯދީ 0-2 ގެ ނަތީޖާއަކުން

ކްލަބް ފްރެންޑްލީއެއްގައި އޮސްޓްރޭލިއާގެ އޭ ލީގަށް ކުޅެމުން އަންނަ ޕާތު ގްލޯރީގެ މައްޗަށް މެންޗެސްޓާ ޔުނައިޓެޑު ކުރިހޯދައިފިއެވެ.

ހޮނިހިރު ދުވަހުގެ ރޭ ކުޅުނު މެޗުގައި ޕާތު ގްލޯރީގެ މައްޗަށް ޔުނައިޓެޑު ކުރިހޯދީ 0-2 ގެ ނަތީޖާއަކުންނެވެ.

އޮސްޓްރޭލިއާގެ އޮޕްޓަސް ސްޓޭޑިއަމްގައި ކުޅުނު މި މެޗު ފެށިގެން ބޯޅަ ކޮންޓްރޯލްކޮށް ރަނގަޅަށް ކުޅެމުންދިޔައީ ޔުނައިޓެޑުންނެވެ.

އެގޮތުން ޔުނައިޓެޑުން ވަނީ ޕާތު ގްލޯރީގެ ހާފަށް ބާރުބޮޑުކޮށް ގިނަ ހަމަލާތަކެއް އުފައްދާފައެވެ. މި ހާފްގައި ޕާތު ގްލޯރީގެ ފަރާތުން މާ އެދެވޭ ހަމަލާތަކެއް ފެނިގެނެއް ނުދެއެވެ.

ދެވަނަ ހާފް ފެށިގެން ޔުނައިޓެޑުން ވަނީ އެޓީމުގެ އެޓޭކްތައް ވަރުގަދަ ކޮށްފައެވެ. އެގޮތުން 60 ވަނަ މިނެޓުގައި މާކަސް ރަޝްފޯޑް ކާމިޔާބުކުރި ލަނޑުން އެޓީމުން ވަނީ ލީޑު ނަގާފައެވެ.

މި ލަނޑަށްފަހު ވެސް ޔުނައިޓެޑަށް ވަނީ ލީޑު ފުޅާކުރަން ގިނަ ފުރުސަތުތަކެއް ލިބި ބޭކާރުވެފައެވެ. ޔުނައިޓެޑުން ލީޑު ފުޅާކުރީ 87 ވަނަ މިނެޓުގައި ގާނާ ކާމިޔާބުކުރި ލަނޑުންނެވެ. މެޗުގެ މޮޅު ކުޅުންތެރިޔަކަށް ވެސް ހޮވުނީ އޭނާއެވެ.

މުޅި މެޗުގައިވެސް ޕާތު ގްލޯރީގެ ފަރާތުން މާ އެދެވޭ ކުޅުމެއް ފެނިގެން ނުދާއިރު، މުޅި މެޗުގައި ވެސް އެޓީމަށް ގޯލާ އަމާޒުކޮށް އެންމެ ހަމަލާއެއް އުފެއްދިފައެއް ނުވެއެވެ.

ރަހުމަތްތެރިކަމުގެ ދެވަނަ މެޗުގައި އަންނަ ބުދަ ދުވަހު ޔުނައިޓެޑު ނިކުންނާނީ ލީޑްސް ޔުނައިޓެޑާ ދެކޮޅަށެވެ. މި މެޗުވެސް ކުޅުމަށް ހަމަޖެހިފައިވަނީ އޮސްޓްރޭލިއާގެ އޮޕްޓަސް ސްޓޭޑިއަމުގައެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: ހުޝާމް މުހަޢްމަދް
0%
0%
0%
0%
0%
0%
ކޮމެންޓް