ޗައިނާއިން ރާއްޖެއަށް ހަދިޔާ ކުރި ގިނަ ޖެނެރޭޓަތައް ވަނީ ހަލާކުވެފައި: ފެނަކަ
ޖެނެރޭޓަރުގެ 60 އިންސައްތަ ވެސް ބޭނުން ނުކުރެވޭ
ރައްޔިތުންގެ މަޖިލީހުގެ އެސްއޯއީ ކޮމެޓީގައި ފެނަކައިގެ އިސް ބޭފުޅުން
ކުރީގެ ރައީސް އަބްދުﷲ ޔާމީންގެ ސަރުކާރުގައި ޗައިނާއިން ރާއްޖެ ހަދިޔާކުރި ގިނަ ޖެނަރޭޓަރުތައް ބޭނުން ނުކުރެވޭ ކަމަށް ފެނަކަގެ މެނޭޖިން ޑިރެކްޓަރ އަހްމަދް ސައީދު މުހައްމަދު ވިދާޅުވެއްޖެއެވެ.
ރައްޔިތުންގެ މަޖިލީހުގެ ސްޓޭޓް އޯންޑް އެންޓަޕްރައިޒެސް ކޮމިޓީގެ ބައްދަލުވުމުގައި މެމްބަރުން ކުރިމަތިކުރި ސުވާލުތަކަށް ޖަވާބުދެއްވަމުން ސައީދު ވިދާޅުވީ، ޗައިނާ ސަރުކާރުގެ ހިލޭ އެހީގެ ދަށުން ރާއްޖެއަށް ހަދިޔާ ކުރި ޖެނެރޭޓަރުގެ 60 އިންސައްތަ ވެސް ބޭނުން ނުކުރެވޭ ކަމަށެވެ. އަދި ގިނަ ޖެނަރޭޓަރުތަކުގެ ޑައިނަމޯ އާއި ރޭޑިއޭޓަރުތައް ފަޅައިގެންގޮސް ހަލާކުވެފައިވާ ކަމަށް އޭނާ ވިދާޅުވިއެވެ.
ޖެނަރޭޓަރުތައް ގެނެވުނު ތަން ނޭނގުމުގެ ސަބަބުން ޖެނަރޭޓަރުތައް ހެދޭނެ އެއްވެސް ގޮތެއް ނެތް ކަމަށް ސައީދު ވިދާޅުވިއެވެ.
އެސްއޯއީ ބައްދަލުވުމުގައި ފެނަކައަށް ލިބޭ ގެއްލުންތައއް ވަނީ މެމްބަރުންނާއި ހިއްސާކޮށްފަ އެވެ. އަދި ފެނަކަގެ މިހާރުގެ ތަފާސް ހިސާބުތައްވެސް ކޮމެޓީގެ މެމްބަރުންނާއި ހިއްސާކޮށްފައިވެއެވެ.
ސައީދު ވިދާޅުވީ މިހާރު އެ ކުންފުނިން މަސައްކަތް ކުރަމުން އަންނަނީ ދިގު މުއްދަތަކަށް ވިސްނައި، ޕްލޭންތައް ތައްޔާރުކޮށް ކުރިއަށްގެންދިއުމަށް ކަމަށެވެ. އެގޮތުން އިއާދަކުރަނަވަނި ހަކަތައް ބަދަލުކުރުމަށް މަސައްކަތްތައް ކުރަމުން އަންނަކަމަށް ސައީދު ވިދާޅުވި އެވެ.
