ކަބީރު ސިންގް ގެ ކާމިޔާބަށްފަހު ޝާހިދު ފިލްމް ކުޅޭ އަގު ބޮޑުކޮށްފި

ބޮލީވުޑް އެކްޓަރ ޝާހިދު ކަޕޫރު އެންމެ ފަހުން ކުޅެފައިވާ ފިލްމްއިން " ކަބީރު ސިންގް" އަށް ވަނީ ބޮކްސް އޮފީހުގައި ބޮޑު އާމްދަނީ އެއް ލިބިގެން ގޮސްފައެވެ.

މުމްބާއީ މިރޯގައި ރިޕޯޓްކޮށްފައިވާ ގޮތުން ޝާހިދު ވަނީ އޭނާ ފިލްމް ކުޅެދޭ އަގު 35 ކްރޯޑް ރުޕީސް އަށް ބޮޑު ކޮށްފައެވެ. އެހެންކަމުން ޝާހިދު ހިމެނިގެންދާނީ ބޮލީވުޑް އެކްޓަރުންގެ ތެރެއިން އެންމެ އަގުބޮޑުކޮށް ފިލްމް ކުޅޭ އެއް ތަރިއަށެވެ.

މީގެ ކުރިން ޝާހިދު ފިލްމެއް ކުޅެދެނީ 30 ކްރޯޑް ރުޕީސް އަށެވެ.

މީޑިއާ ރިޕޯޓްތައް ބުނާގޮތުން ސަލްމާން ޚާން ފިލްމެއް ކުޅެދެނީ 60 ކްރޯޑް ރުޕީސް އަށެވެ.

މީގެ އިތުރުން އަކްޝޭ ކުމާރު، ޝާހުރުކް ޚާން، އާމިރު ޚާން އަދި ރިތިކް ރޯޝަން ފިލްމެއް ކުޅެދޭ އަގުތައް އުޅެނީ 30-40 ކްރޯޑްގައެވެ.

ރަންބީރު ކަޕޫރު ފިލްމަކަށް ޗާޖް ކުރަނީ 30 ކްރޯޑް އެވެ.

ޝާހިދު އެންމެ ފަހުން ކުޅެފައިވާ ފިލްމް "ކަބީރު ސިންގް"އަށް ވަނީ 13 ދުވަސް ތެރޭގައި 200 ކްރޯޑް ރުޕީސް ލިބިފައެވެ.