ރެއިންބޯގެ ރޯދަ ސޭލްގެ ނަސީބުވެރިން ހޮވައިފިއެވެ.
ހޮނިހިރު ދުވަހުގެ ރޭ ރެއިންބޯ ލިވިން މޯލްގައި ބޭއްވި ގުރުއަތު ނެގުމުގައި ވަނީ ރޯދަ މަހު ބޭއްވި ދެ ޕްރޮމޯޝަނެއްގެ ނަސީބުވެރިން ހޮވައިފައެވެ.
މުދަލުގެ ރީފަންޑު ލިބޭ ޕްރޮމޯޝަންގެ ނަސީބުނެރި ފަރާތަކަށް ހޮވިފައިވަނީ ކޫޕަން ނަމްބަރު 250870އެވެ.
ރެއިންބޯ ރޯދަ ސޭލް ޕްރޮމޯޝަންގެ ގުރުއަތުން ހޮވުނު ތިން ފަރާތަކަށް އުމްރާ ދަތުރު ވަނީ ދީފައެވެ.
މި ތިން ފަރާތަކީ ކޫޕަން ނަމްބަރު 282300، 279351 އަދި 254553 އެވެ.
ގުރުއަތުން ހޮވުނު މި ތިން ފަރާތަށްވެސް އިތުރު އެކަކު އުމްރާއަށް ގެންދިއުމުގެ ފުރުސަތު ވަނީ ދީފައެވެ.
ރެއިންބޯ އެންޓަޕްރައިސަސްގެ ޖެނެރަލް މެނޭޖަރު، އަބްދުﷲ އަސްލަމް ވިދާޅުވީ ވޭތިވެދިޔަ އަހަރުތަކާއި އަޅާ ބަލާއިރު މިއަހަރުގެ ޕްރޮމޯޝަންގައި ލިބުނު ތަރުހީބު ބޮޑު ކަމަށެވެ.
އަގުބޮޑު ގިނަ އިނާމުތަކާއެކު ރެއިންބޯ އިން ބޭއްވި ރޯދަ ސޭލްގައި 500ރ. އިން މަތިން ވިޔަފާރިކުރި ހުރިހާ ފަރާތްތަކެއް ވަނީ ގުރުއަތު ނެގުމުގައި ހިމަނާފަ އެވެ.
މިއަހަރު އަދި އިތުރު ދެ ޕްރޮމޯޝަނެއް ކުރިއަށް ގެންދިއުމަށް ހަމަޖެހިފައިވާ ކަމަށާއި އެއީ އޮކްޓޯބަރުގައި ބޭއްވުމަށް ހަމަޖެހިފައިވާ އިޔާ އެންޑް ޕްރޮމޯޝަން އަދި ޑިސެމްބަރުގައި ބޭއްވުމަށް ހަމަޖެހިފައިވާ އެނިވާސަރީ ޕްރޮމޯޝަން ކަމަށް އަސްލަމް ވިދާޅުވިއެވެ.
