ޕްލާސްޓިކް ކޮތަޅަކަށް ލާ އެއްލާލާފައި އޮތް ކުއްޖާ ގެ ހާލު ރަނގަޅު
ޕްލާސްޓިކް ކޮތަޅަކަށް ލާ އެއްލާލި ކުއްޖާ ގެ ހާލު ރަނގަޅު
ގަސްބޯ ހިސާބަކުން ކުއްޖާ ނަގަނީ
ޕްލާސްޓިކް ކޮތަޅަކަށް ލާ އެއްލާލި ކުއްޖާ ގެ ހާލަތު ރަނގަޅު ކަމަށް ބީބީސީ ނިއުސް އިން ރިޕޯޓު ކޮށްފިއެވެ.
އިންޑިޔާގެ ނަމުން މަޝްހޫރު ވެފައިވާ ކުއްޖާ އެއްލާލާފައި އޮއްވާ ފެނިފައިވަނީ ޖޯޖާގެ ގަސްބޯ ހިސާބަކުންނެވެ.
މި ކުއްޖާ ޕްލާސްޓިކް ކޮތަޅަކަށްލައި އެއްލާލާފައި އޮއްވާ ފެނުނީ ޖޯޖާގެ ރައްޔިތުންތަކަކަށް ޖޫން 6 ގައެވެ.
އަދި ފުލުހުންވަނީ ވަގުތުން މި ކުއްޖާ އަވަސް ފަރުވާ ދިނުމަށްޓަކާ ހޮސްޕިޓަލަށް ގެންގޮސްފައެވެ.
"އިންޑިޔާ" ނަމުން މަޝްހޫރުވެފައިވާ ކުއްޖާ ފެނުނު ތާ މިހާރު ތިން ހަޕްތާ ވެފައިވާއިރު ކުއްޖާގެ ހާލަތު ރަނގަޅު ކަމަށް ބީބީސީގެ އޮންލައިން ނޫހުގައި ވެސް ވަނީ ރިޕޯޓުކޮށްފައެވެ.
މިކުއްޖާއަށް ދާއިމީ އާއިލާއެއް ހަމަޖެހެންދެން ވަނީ ވަގުތީގޮތުން "ޗައިލްޑް ޕްރޮޓެކްޓިވް ސާރވިސެސް" އާއި ހަވާލު ކުރެވިފައެވެ.
ޖޯޖާގެ ފެމިލީ އަދި ޗިލްޑްރެން ސާރވިސް ގެ ޑިރެކްޓަރު ޓޮމް ރޯލިންގްސްއާއި ހަވާލާދީ ބިބީސީ ނިއުސްގައި ލިޔެފައިވަނީ މި ކުއްޖާ އެޑޮޕްޓް ކުރުމަށް ވަރަށް ގިނަ އާއިލާތަކުން ހުށަހަޅައިފައިވާ ކަމަށެވެ. 100 އަށް ވުރެ ގިނަ އާއިލާ ތަކުން ޝައުގުވެރިކަން ފާޅުކޮށްފައިވާ ކަމަށް ވެސް ބީބީސީ ނިއުސްގައި ވެއެވެ.
