"ހުރިވަރު" މައުރަޒު ހުޅުވައިފި
28 ޖޫން 2019 | ހުކުރު 14:00ހުރިވަރު މައުރަޒް ހުޅުވާފައި ވަނީ ހިރިޔާ ސްކޫލުގެ 10 ވަނަ އަހަރީ ދުވަހާއި ގުޅިގެން
މިނިސްޓްރީ އޮފް އާރޓްސް ކަލްޗަރ އެންޑް ހެރިޓޭޖްގެ ސްޓޭޓް މިނިސްޓަރ މުހައްމަދު ތާރިގު ހުރިވަރު މައުރަޒު ހުޅުވައި ދެއްވަނީ
ހިރިޔާ ސުކޫލުގެ 10 ވަނަ އަހަރީ ދުވަހާގުޅިގެން "ހުރިވަރު"ގެ ނަމުގައި ކުރެހުމާއި އަތްތެރި މަސައްކަތްތައް ދައްކާލުމުގެ މައުރަޒު ހުޅުވައިފިއެވެ.
މި މައުރަޒް ހުޅުއްވައި ދެއްވީ މިނިސްޓްރީ އޮފް އާރޓްސް ކަލްޗަރ އެންޑް ހެރިޓޭޖްގެ ސްޓޭޓް މިނިސްޓަރ މުހައްމަދު ތާރިގެވެ.
މައުރަޒު ހުޅުއްވައިދެއްވުމަށްފަހު ވާހަކަދައްކަވަމުން ތޯރިޤް ވިދާޅުވީ ދިންގެ ވިސްނުމާއި އެކުދިންގެ ފިކުރަށް އަންނަ ވަރަށް ވަރުގަދަ ބާރެއް ކަމަށެވެ. އަދި ރެހުމުގެ ތެރެއިން އެކުއްޖެއްގެ މަސައްކަތުގެ އަޚުލާގު ވަރަށް ރަނގަޅަށް ދެނެގަނެވޭނެ ކަމަށާއި، ލިޔެލާ މަޒުމޫނެއް، ޅެމެއްގެ އިތުރުން ވާހަކައަކުން ނުބުނެދޭ އެތައް ވާހަކަ ތަކެއް ކުރެހުމުން ބުނެދޭނެ ކަމަށް ތޯރިޤް ވިދާޅުވި އެވެ.
މީގެ އިތުރުންވެސް ތޯރިގު ވިދާޅުވީ މާލޭ ހުކުރު މިސްކިތާއި، އީދު މިސްކިތުގެ އިތުރުން ފެންފުށީ މިސްކިތާއި، މިނޫންވެސް ރާއްޖޭގެ އާސާރީ މިސްކިތްތަކަކީ ދިވެހިން އެންމެ ލޯބިން ކޮށްފައި ހުރި މަސައްކަތްތައް ކަމަށާއި އެމަސައްކަތް އެހާ ފުރިހަމަކޮށް އެހުރީ އެކަމަށްދޭންވާ ފުރިހަމަ ލޯބި ދީގެން ކުރުމުގެ ސަބަބުން ކަމަށެވެ. އަދި އިސްލާމް ދީނަށްޓަކައި ކާބަފައިންގެ ހިތްތަކުގައި އޮތް ލޯބި އެ މަސައްކަތްތަކުންވެސް ފެންނަ ކަމަށް އޭނާ ވިދާޅުވިއެވެ.
އެހެންކަމުން މީހެއްގެ ހިތުގައި އޮންނަ އެތި ވަރަށް ސާފްކޮށް ބުނެދޭ އެއްޗަކަށް ކުރެހުން ވެގެން ގޮސްފައި ވާކަމަށްވެސް ތޯރިގު ވިދާޅުވިއެވެ.
ހިރިޔާ ސުކޫލުގެ ލީޑިންގ ޓީޗާރ އައިމިނަތު ނައީމާ ވިދާޅުވީ، މި މިއުރަޒަކީ ދަރިވަރުންގެ ކުރެހުމާއި, ހުނަރު ދައްކާލުމުގެ ފުރުސަތު ފަހިކޮއްދީ މައުރަޒަށް ކަނޑައެޅިފައިވާ ޝިޔާރު "ސާފު ދިވެހިރާއްޖެ" ގެ ދަށުން ބެލެނެވެރިންނާއި, ދަރިވަރުންގެ ހިޔާލާ ފިކުރު ކުރެހުމުގެ ޒަރީއާއިން މުޖުތަމައަށް ދައްކާލުންކަމަށް ބޭއްވި މައުރަޒެއް ކަމަށެވެ. އަދި މިއީ މިގޮތަށް ބޭއްވޭ ދެވަނަ މައުރަޒު ކަމަށާއި ފުރަތަމަ މައުރަޒު ބޭއްވީ ހިރިޔާ ސުކޫލުގެ ފަސްވަނަ އަހަރީ ދުވަހާގުޅިގެން 2014 ވަނަ އަހަރުކަމަށް އޭނާ ވިދާޅުވި އެވެ.
