ޓީ ޖެޓީ ރެސްޓޯރަންޓުގެ 'ރޯދަ ހަދިޔާ'ގެ ޢުމްރާ ދަތުރު ލިބުނު ފަރާތް ހޮވައިފި!
27 ޖޫން 2019 | ބުރާސްފަތި 13:34ކުރިއަށް އޮތް ތަނުގައިވެސް މިފަދަ ޕްރޮމޯޝަންތައް ހުޅުވާލާނެ
ޓީ ޖެޓީ ރެސްޓޯރަންޓުގެ \'ރޯދަ ހަދިޔާ\'ގެ ޢުމްރާ ދަތުރު އަދި އީދު ހަދިޔާ ލިބުނު ފަރާތް
ބަރަކާތްތެރި ރަމަޟާން މަހުގެ ޕްރޮމޯޝަންގެ ގޮތުގައި ޓީ ޖެޓީ ރެސްޓޯރަންޓުގެ ފަރާތުން ކުރިއަށް ގެންދިޔަ ރޯދަ ހަދިޔާ ލިބުނު ފަރާތް ހޮވައިފިއެވެ.
ރޯދަ ހަދިޔާގެ ގޮތުގައި ޓީ ޖެޓީ އިން ހުޅުވާލި 'ޢުމްރާ' ދަތުރުގެ ފުރުޞަތު ލިބުނީ ކ. ކާށިދޫ އާހިޔާ، އާމިނަތު އިސްމާޢީލް އަށެވެ.
މީގެ އިތުރުން ފިޠުރު ޢީދަށް ޚާއްޞަކޮށް ޓީ ޖެޓީ ރެސްޓޯރަންޓުގެ ފަރާތުން ހުށަހެޅި 'ޢީދު ހަދިޔާ' ކަމުގައިވާ 2000 ރުފިޔާގެ ބީ.އެމް.އެލް ގިފްޓް ކާޑު ނަސީބުވެރި ފަރާތަކަށް ހޮވިފައިވަނީ ހއ. ހޯރަފުށީ ހުސްނުހީނާގެ، ޝަޛިއްޔާ ނަޞީރު އެވެ.
އެސް. ޓީ.3 އޯ ހާބަރ ފުޓްކޯޓް 19 ވަނަ ޔުނިޓްގައި ހިންގަމުން ގެންދާ ޓީ ޖެޓީ ރެސްޓޯރަންޓަކީ ކުރު މުއްދަތެއްގެ ތެރޭގައި ކަސްޓަމަރުންގެ މެދުގައި ވަރަށް މަޤްބޫލް ރެސްޓޯރަންޓަކެވެ.
ޓީ ޖެޓީ ރެސްޓޯރަންޓުގެ ވެރިފަރާތް ކަމުގައިވާ ޢަބްދުﷲ ވަޙީދު (ވައްޑެ) މަޢްލޫމާތު ދެެއްވިގޮތުގައި ކުރިއަށް އޮތް ތަނުގައިވެސް ޓީ ޖެޓީ ރެސްޓޯރަންޓްގެ ކަސްޓަމަރުންނަށް މި ފަދަ އިތުރު ފުރުޞަތުތައް ލިބިގެންދާނެއެވެ.
އަދި ރޯދައާއި އީދަށް ހާއްސަކޮށްގެން ކުރިއަށް ގެންދިޔަ ދެ ޕްރޮމޯޝަނަށްވެސް ކަސްޓަމަރުންގެ ފަރާތުން ވަނީ ބޮޑު ތަރުހީބެއް ލިބިފައި ކަމަށް ޢަބްދުﷲ ވަޙީދު ވިދާޅުވިއެވެ.
