އައްޑޫ ސިޓީ ގައި ތަރައްގީކުރާ ޓާޝަރީ ހޮސްޕިޓަލަށް ބޭނުންވާ މެޑިކަލް ސާމާނު ގެނެސްފި
ޝިޕްމެންޓްގައި ހިމެނެނީ އެމް.އާރު އައި މެޝިން އާއި ސީ ޓީ ސްކޭން މެޝިންގެ އިތުރުންވެސް ހޮސްޕިޓަލަށް ބޭނުންވާ ފަރުނީޗަރު
އައްޑޫގެ ޓާޝަރީ ހޮސްޕިޓަލަށް ޝިޕްމެންޓް ގެނައި މަތިންދާބޯޓް
އައްޑޫ ސިޓީ ގައި ތަރައްގީކުރާ ޓާޝަރީ ހޮސްޕިޓަލަށް ބޭނުންވާ މެޑިކަލް ސާމާނު ގެނެސްފިއެވެ.
އަންގާރަ ދުވަހުގެ ފަތިހު ދިވެހި ސަރުކާރުން ޗާޓަރު ކުރި އެންޓޮނޯވް 124ގެ ފްލައިޓެއްގައި އައްޑޫ ސިޓީ އަށް ގެންގޮސްފައިވާ ޝިޕްމެންޓްގައި ހިމެނެނީ އެމް.އާރު އައި މެޝިން އާއި ސީ ޓީ ސްކޭން މެޝިންގެ އިތުރުން ވެސް ހޮސްޕިޓަލަށް ބޭނުންވާ ފަރުނީޗަރެވެ.
އައްޑޫ ސިޓީގައި 2011 ވަނަ ބޭއްވި ސާކް ސަމިޓަށް ހާއްސަ ކޮށްގެން ހިތަދޫގައި އަޅާފައިވާ ކޮންވެންޝަން ސެންޓަރު ހޮސްޕިޓަލަކަށް ބަދަލުކުރަން ނިންމާފައި ވަނީ ރައީސް ޔާމީނުގެ ސަރުކާރުންނެވެ.
100 އެނދުގެ ޓާޝަރީ ހޮސްޕިޓަލުގެ މަސައްކަތް ނިންމައި މިއަހުރުގެ އޮގަސްޓް މަހު ހިދުމަތް ދެވޭނެ ކަމަށް ހެލްތް މިނިސްޓްރީން ވަނީ ބުނެފައެވެ.
