ހުޅުމާލޭގައި "މައިކްޒް" ސެލޫން ހުޅުވައިފި
ސެލޫންގައި ހެއަރ މޭކަޕް އަދި ބިއުޓީގެ ކުރިހާ ޚިދުމަތެއް ލިބިގެން ދާނެ
މައިކްޒް ސެލޫން
ހުޅުމާލޭގައި "މައިކްޒް" ސެލޫން ހޯމަ ދުވަހު ހުޅުވައިފިއެވެ.
މިއީ މަޝްހޫރު ހެއަރ އެންޑް މޭކްއަޕް އާޓިސްޓެއްކަމަށްވާ މީކާއިލް "މައިކް" އަހްމަދުގެ ސެލޫން އެކެވެ. އަދި މި ޕްރޮޖެކްޓްގައި އޭނާގެ ޕާޓްނަރަކީ މަޝްހޫރު ޓީވީ ޕްރެޒެންޓަރ އައިމިނަތު މައުރީނާ އެވެ.
ހިތިގަސް މަގުގެ 7 ނަމްބަރު ގޯޅީގައި ހުންނަ މި ސެލޫން ހުޅުވިފައި ހުންނާނީ ހުކުރު ދުވަސް ފިޔަވާ ކޮންމެ ދުވަހަކު ހެނދުނު 10:00 އިން ރޭގަނޑު 8:30 އަށެވެ. ހުކުރު ދުވަހު ސެލޫން ހުޅުވިފައި ހުންނާނީ މެންދުރުފަހު 2:00 އިން ރޭގަނޑު 9:00 އަށެވެ.
ދެ ޖިންސްގެ މީހުނަށްވެސް ޚިދުމަތްދޭ މި ސެލޫންގައި ހެއަރ،މޭކަޕް އަދި ބިއުޓީގެ ކުރިހާ ޚިދުމަތެއް ލިބިގެން ދާނެކަމަށް މައިކް ބުންޏެވެ.
އެޕޮއިންޓްމަންޓް ހެދުމަށް ގުޅާނީ 3001818 ނަމްބަރަށެވެ.
