ކ. މާލެ
|
23 ޖޫން 2019 | އާދީއްތަ 18:40
ޓްއަރިޒަމް މިނިސްޓްރީން ބޭއްވި ނޫސްވެރިންގެ ބައްދަލު ވުމުގައި މިނިސްޓަރ އަލީ ވަހީދު ވާހަކަފުޅު ދައްކަވަނީ
ޓްއަރިޒަމް މިނިސްޓްރީން ބޭއްވި ނޫސްވެރިންގެ ބައްދަލު ވުމުގައި މިނިސްޓަރ އަލީ ވަހީދު ވާހަކަފުޅު ދައްކަވަނީ
ރާއްޖެއެމްވީ
އޮޑެގައްލާ
އޮޑެގައްލާގެ އެއްބަސްވުން ބާތިލް ކުރުމުގެ މަސައްކަތް ފަށާ އެރަށުގައި އެއްވެސް މަސައްކަތެއް ނުކުރުމަށް އަންގާފައިވާނެ: އަލީ ވަހީދު
 
ޖަނާހުއަށް ބަދަލު ދޭން ޓޫރިޒަމް މިނިސްޓްރީން ދަނީ މަޝްވަރާ ކުރަމުން
 
އޮޑެގައްލާއާ އެކު ވެވުނު އެއްބަސްވުން ބާތިލް ކުރުމުގެ މަސައްކަތް ފަށައިފި
 
އާދިއްތަ ދުވަހު ޖަނާޔާ މަޝްވަރާކޮށްފައިވާނެ

ގއ. އޮޑެގައްލާގައި ރިސޯޓް ހެދުމަށް ވެވުނު އެއްބަސްވުން ބާތިލް ކުރުމުގެ މަސައްކަތް ފަށާފައިވާ ކަމަށާއި އެރަށުގައި އެއްވެސް މަސައްކަތެއް ކުރިއަށް ނުގެންދިއުމަށް އަންގާފައިވާނެ ކަމަށް ޓްއަރިޒަމް މިނިސްޓަރ އަލީ ވަހީދު ވިދާޅު ވެއްޖެއެވެ.

ޓްއަރިޒަމް މިނިސްޓްރީން ބޭއްވި ނޫސްވެރިންގެ ބައްދަލު ވުމެއްގައި އަލީ ވަހީދު ވިދާޅުވީ، އޮޑެގައްލާ ރިސޯޓް ތަރައްގީ ކުރުމަށް ހަވާލުކޮށްފައިވާ މުހައްމަދު އަލީ ޖަނާހުގެ ހޮޓެލްސް އެންޑް ރިސޯޓްސް ކޮންސްޓްރަކްޝަން (އެޗްއާރްސީ)އާއި އާދިއްތަ ދުވަހު މަޝްވަރާ ކޮށްފައިވާނެ ކަމަށާއި އަދި މިއަދުން ފެށިގެން އެރަށުގައި އެއްވެސް މަސައްކަތެއް ކުރިއަށް ނުގެންދިއުމަށް އަންގާފައިވާނެ ކަމަށެވެ.

އަދި އޮޑެގައްލާ، ރިސޯޓެއްގެ ގޮތުގައި ތަރައްގީކުރުމުގެ ހުއްދަ ދެވެން ނެތް ކަމަށް އެންވަޔަރަމެންޓް ޕްރޮޓެކްޝަން އޭޖެންސީ (އީޕީއޭ) އިން ނިންމި ނިންމުމާއި އެކު ކުރިއަށް ދާނެ ކަމަށް ޓުއަރިޒަމް މިނިސްޓަރ އަލީ ވަހީދު ވިދާޅުވިއެވެ.

"މިސަރުކާރު އައީ ވަކި ހަމަތަކެއްގެ މަތިން ރައްޔިތުންނަށް ކަންތައްތަކެއް ކޮށްދޭނެކަމުގެ ވައުދާއި އެކު، އަޅުގަނޑުމެން މިއަދު ވާނީ މަޝްވަރާ ކޮށްފައި މިއަދުން ފެށިގެން އެރަށުގައި އެއްވެސް މަސައްކަތެއް ކުރިއަށް ނުގެންދިއުމަށް އެދިފައި” އަލީ ވަހީދު ވިދާޅުވިއެވެ.

އަލީ ވަހީދު ވިދާޅުވީ ޖަނާޔާ އެކު މިއަދު ބޭވުނު ބައްދަލުވުމަށް ފަހު އެ ރިސޯޓް ހެދުމުގެ އެއްބަސްވުން ބާތިލް ކުރަން ޓުއަރިޒަމް މިނިސްޓްރީން މަސައްކަތް ފަށާފައިވާ ކަމަށާއި މި މައްސަލާގައި ދެން ކުރިއަށްދާނެ ގޮތެއްގެ ލަފާފުޅެއް ހޯދަން ރައީސް އިބްރާހިމް މުހައްމަދު ސޯލިހު އަށް ސިޓީފުޅަކުން ދަންނަވާފައި ވާނެ ކަމަށެވެ.

އޮޑެގައްލާގައި ރިސޯޓް ތަރައްގީކުރަން ދޫކޮށްފައިވަނީ ކުރީގެ ރައީސް އަބްދުﷲ ޔާމީންގެ ސަރުކާރުގައި ރާއްޖޭގެ ވަރަށްގިނަ ރިޒޯޓްތަކެއް ތަރަށްގީ ކޮށްފައިވާ ޖަނާހުގެ ކުންފުންނަށެވެ. އަދި ޖަނާގެ ކުންފުންޏާއި އެކު ކުރީގެ ސަރުކާރުން ހަދާފައިވާ އެއްބަސް ވުމަކީ ވެސް ރަނގަޅު އެއްބަސް ވުމެއް ކަމަށް ވެސް މިނިސްޓަރ ވިދާޅުވިއެވެ

އަލީ ވަހީދު ވިދާޅުވީ، އެ ރަށުގައި ރިސޯޓު ތަރައްގީ ނުކުރެވޭތީ ޖަނާޔަށް ބަދަލު ދޭން ޓޫރިޒަމް މިނިސްޓްރީން މަޝްވަރާ ކުރަމުން އަންނަ ކަމަށެވެ.

އޮޑެގައްލާ ރިސޯޓެއްގެ ގޮތުގައި ތަރައްގީ ނުކުރެވޭނެ ކަމަށް އީޕީއޭއިން ނިންމީ އެ ރަށަކީ ގިނަ އަދަދެއްގެ ދޫނި ބިސް އަޅާށާއި ނިދަން އަރާ ރަށަކަށް ވުމާއި ތިމާވެށީގެ ގޮތުން ހާއްސަ ސިފަތަކެއް ލިބިފައިވާ ރަށަކަށް ވުމާއި އަހަރުގެ ވަކި ދުވަސްވަރެއްގައި ވެލާ ބިސް އަޅަން އަރާ ރަށަކަށް ވާތީ ކަމަށް އީޕީއޭ އިން ބުނެއެވެ.

އެންމެ ފަހުން އަޕްޑޭޓް ކުރީ: 3 މަސް ކުރިން
ރިވިއު ކުރީ: ހުޝާމް މުހަޢްމަދް
0%
83%
0%
0%
17%
0%
ކޮމެންޓް