ދިވެހި ފަންނާނުންނަށް އިތުރު ފުރުސަތުތަށް ހޯދައިދިނުމަށް މަސައްކަތް ކުރާނަން: އަލީ ވަހީދު
ފަންނާނުންގެ ހުށައެޅުންތަކަށް ބޭރުގެ ޑެލިގޭޓްސް އަދި އެތަށް ސަފީރެއްގެ ތައުރީފް ވަނީ ލިބިފައި
ފަތުރުވެރިކަމާ ބެހޭ ވަޒީރު އަލީ ވަހީދް
ދިވެހި ފަންނާނުންނަށް އިތުރު ފުރުސަތުތަށް ހޯދާދިނުމަށް މަސައްކަތް ކުރައްވާނެ ކަމަށް ފަތުރުވެރިކަމާ ބެހޭ ވަޒީރު އަލީ ވަހީދު ވިދާލުވެއްޖެއެވެ.
ހުކުރު ދުވަހު ކުރެއްވި ޓުވީޓެއްގައި އަލީ ވަހީދު ވިދާޅުވީ، މޯލްޑިވްސް ޕާޓްނާޝިޕް ފޯރަމް ނިންމުމުގެ ހަފްލާގައި ދިވެހި ފަންނާނުން ކަމުގައިވާ، ނިޝް، ބޭންޑް އަދި ހަބޭސް ބޮޑުބެރު ގުރޫޕުން ހުށައަޅައިދިން ހުށައެޅުންތަކަށް ބޭރުގެ ޑެލިގޭޓްސް އަދި އެތަށް ސަފީރެއްގެ ތައުރީފް ލިބިފައިވާ ކަމަށެވެ.
މިއީ މިހާތަނަށް ގިނަ އަދަދެއްގެ މަންދޫބުންނާއެކު ރާއްޖޭގައި މިގޮތަށް ބޭއްވި ފުރަތަމަފޯރަމަށްވާއިރު، މި ފަހަރުގެ ފޯރަމުގައި 35 ގައުމެއްގެ މަންދޫބުންނާއި، 27 ޖަމިއްޔާއަކުން 170 އަށް ވުރެ ގިން މަންދޫބުން ބައިވެރިވިއެވެ.
ދެ ދުވަހުގެ މުއްދަތަށް ކުރިޔަށްދިޔަ މި ފޯރަމްގައި ކުރިޔަށް ދިޔަ ސެޝަންތަކުގައި އިންވެސްޓަރުންނަށް މަޝްރޫއުތަކާއި ބެހޭގޮތުން ވަޒީރުންގެ ފަރާތުން ވަނީ މައުލޫމާތު ދީފައެވެ.
