އާދީއްތަ 15 ޑިސެންބަރު 2019
06 މުލަ
1441 ރަބީޢުލްއާޚިރު 18
ފަތިސް 04:46
އިރުއަރާ 06:02
މެންދުރު 12:05
އަސްރު 15:25
މަޣްރިބް 17:59
އިޝާ 19:17
ރާއްޖެ - ދަގަނޑެއް ވެއްޓުން

ދަގަނޑެއް ވެއްޓި ސައިކަލުތަކަކަށް ގެއްލުންވެއްޖެ

  • މި ހާދިސާގައި ގެއްލުން ވެފައިވަނީ ޕާކުކޮށްފައިވާ 4 ސައިކަލަށް

ޚަދީޖާ އިބްރާހިބް
Khadheejaibrah7

ކ. މާލެ 16 ޖޫން 2019 | އާދީއްތަ 01:19 2,515

ޕާކު ކޮށްފައިވާ ސައިކަލު ތަކެއް - ޝުއައިބް މުހައްމަދު އިގްބާލް

ހަދަމުން ދިޔަ އިމާރާތަކުން ދަގަނޑެއް ވެއްޓި ޕާކުކޮށްފައިހުރި 4 ސައިކަލަކަށް ގެއްލުން ވެއްޖެއެވެ.

ފުލުހުން ބުނީ ކޮއިމަލާ ހިނގުމުގައި ހަދަމުންދާ އިމާރާތެއްގެ 4 ވަނަ ފަންގިފިލާއިން 10 ވަރަކަށް ފޫޓްގެ ދަގަނޑެއް ވެއްޓި އެމަގުގައި ޕާކްކޮށްފައި ހުރި 4 ސައިކަލަށް ގެއްލުން ވެފައިވާ ކަމަށެވެ. އަދި މި ހާދިސާގެ މައުލޫމާތު ހައުންސިން މިނިސްޓްރީ އާއި އަދި ސިޓީ ކައުންސިލާ ހިއްސާ ކުރެވިފައިވާ ކަމަށްވެސް ފުލުހުން ބުނެއެވެ.

މި ހާދިސާގައި އެއްވެސް މީހަކަށް އަނިޔާއެއް ލިބިފައި ނުވާއިރު މިކަން ހިގާފައިވަނީ މިމަހުގެ 15 ވަނަ ދުވަހުގެ 14:20 ހާއިރު ކަމަށްވެސް ފުލުހުން ބުނެއެވެ.

ފަހަކަށް އައިސް މިފަދަ ނުރައްކާތެރި ހާދިސާތައް ހިނގުން އާންމު ވެފައިވާއިރު މިމަހުގެ 11 ވަނަ ދުވަހު މާލޭގެ ގެއެއް ތަޅަމުން ދަނިކޮށް ވެއްޓުނު ކޮންކްރީޓް ގަނޑަކުން ޖެހި, އިންވެގެން ހުރި ގޭގެ ފާރުން ބައެއް ވެއްޓިފައި ވެއެވެ.

މީގެ އިތުރުންވެސް މަޖީދީ މަގުގައި ހުންނަ މާލޭ ގްރޭންޑްގެ ހަތަރު ވަނަ ފަންގިފިލާއިން ބިއްލޫރި ގަނޑެއް ވެއްޓި މީހަކަށް އަނިޔާވެފައި ވާއިރު ހަމަ އެދުވަހު މާވެޔޮ މިސްކިތުން ބިއްލޫރި ޝީޓެއް ވެއްޓި ދެ މީހަކަށް ވަނީ އަނިޔާވެފައި ވެއެވެ.

އެންމެ ފަހުން އަޕްޑޭޓް ކުރީ: 6 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް