ރާއްޖޭގެ މަޝްހޫރު ވިޔަފާރިވެރިޔާ ޗަމްޕާ މުހައްމަދު މޫސާ, ސްރީލަންކާގެ ކުރީގެ ރައީސް މަހިންދަ ރާޖަޕަކްސާގެ އަރިހަށް އިހުތިރާމްގެ ޒިޔާރަތެއް ކުރައްވައިފިއެވެ.
މިއީ އޭޕްރީލް މަހުގެ ތެރޭގައި ދިން ޓެރަރިސްޓް ހަމަލާއާ ގުޅިގެން ލަންކާގެ ކުރީގެ ރައީސްގެ އަރިހަށް ކުރެއްވި އިހުތިރާމްގެ ޒިޔާރަތެއް ކަމަށް މައުލޫމާތު ލިބެއެވެ.
މިޒިޔާރަތުގައި މުހައްމަދު މޫސާ ވަނީ، ލަންކާދިން ޓެރަރިސްޓް ހަމަލާތައް ކުއްވެރި ކުރައްވައިފައެވެ. އަދި ލަންކާގެ އިގުތިސާދުގައި ބައިވެރިވުމުގެ ގޮތުން މަހިންދަ ރާޖަޕަކްސާ އާއި އެކު މަޝްވަރާ ކުރައްވާފައެވެ.
މި މަޝްވަރާތައް ކުރައްވާފައިވަނީ ކޮލަމްބޯގައި ހުންނަ ރާޖަޕަކްސަގެ އޮފީހުގައެވެ.
