ލ. ގަމު ގެސްޓް ހައުސްއެއްގެ ތެރޭގައި 40 އަހަރުގެ ފިރިހެނަކު މަރުވެފައި އޮއްވާ ފެނިއްޖެއެވެ.

ފުލުހުން ބުނީ، ލ. ގަމުގައި ކުއްޔަށްދޭ ކޮޓަރިއެއްގައި 40 އަހަރުގެ ދިވެހި ފިރިހެނަކު މަރުވެފައި އޮތް ކަމުގެ ރިޕޯޓް އަންގާރަ ދުވަހުގެ މެންދުނު 12:45 ހާއިރު ލިބިފައިވާ ކަމަށެެވެ. އަދި އެ މީހާގެ ހަށިގަނޑު މިހާރު ލ. ގަން ރީޖަނަލް ހޮސްޕިޓަލަށް ގެންގޮސްފައިވާ ކަމަށް ފުލުހުން ބުންޏެވެ.

ފުލުހުން ބުނީ، މިހާތަނަށް ބެލި ބެލުމުން އެ މީހާގެ ހަށިގަނޑުގެ ބޭރުފުށުން އެއްވެސް އަނިޔާއެއް ނެތް ކަމަށާއި، އެ މީހާގެ ހަށިގަނޑު އޮތީ ހަރުވެފައި ކަމަށެވެ.

އެ މީހާއަކީ ލ. އަތޮޅަށް ޗުއްޓީ އަށް ގޮސްފައިވާ މީހެއް ކަމަށް ފުލުހުން ބުންޏެވެ. ފުލުހުން ދަނީ އެކަން ތަހުގީގު ކުރަމުންނެވެ.