ހުކުރު 29 މެއި 2020
10 ރޯނު
1441 ޝައްވާލް 06
ފަތިސް 04:34
އިރުއަރާ 05:51
މެންދުރު 12:07
އަސްރު 15:30
އިރުއޮއްސޭ 18:15
އިޝާ 19:33
ކޮންކްރީޓްގަނޑެއް ވެއްޓުން

ތަޅަމުން ދިޔަ ގެއަކުން ކޮންކްރީޓްގަނޑެއް ވެއްޓި، ގެއެއްގެ ފާރުން ބައެއް ވެއްޓިއްޖެ

  • ފާރުގެ ބައިތައް ވެޓިފައިވަނީ ނިދާ އެނދު މައްޗަށް
  • މިމައްސަލަ ފުލުހުން ދަނީ ތަހުގީގު ކުރަމުން

ކ. މާލެ | 11 ޖޫން 2019 | އަންގާރަ 13:07 | 3,573

ފާރުން ވެއްޓިފައިވާ ބައިތައް ކޮޓަރި ތެރޭގައި - ޕޮލިސް

މާލޭގެ ގެއެއް ތަޅަމުން ދަނިކޮށް ވެއްޓުނު ކޮންކްރީޓްގަނޑަކުން ޖެހި, އިންވެގެން ހުރި ގޭގެ ފާރުން ބައެއް ވެއްޓިއްޖެއެވެ.

ފުލުހުންގެ ބުނީ މިހާދިސާ ހިނގީ ހޯމަ ދުވަހުގެ ހަވީރު 17:45 ހާއިރު ކަމަށެވެ.

މ. ގުލްބަހާރުގޭގެ އިމާރާތް ތަޅާލުމުންދަނިކޮށް ބެރިއަކުން ޖެހި ގެއްލުން ވެފައި ވަނީ މ. ސަމަންދަރު ގެއަށެވެ.

ނުރައްކާތެރި މި ހާދިސާގެ ފޮޓޯތަކުން ފެންނަ ގޮތުގައި ކޮންކްރިޓް ގަނޑުން ޖެހުނު ސަރަހައްދުގެ ފާރުގެ ބައިތައް ވަނީ ކޮޓަރިއެއްގެ ތެރެއަށް ވެއްޓިފައެވެ. އަދި ފާރުގެ ބައިތައް ވެޓިފައި ވަނީ ނިދާ އެނދު މައްޗަށެވެ.

ފުލުހުން ބުނީ މި ހާދިސާގައި އެއްވެސް މީހަކަށް ގެއްލުމެއް ލިބިފައި ނުވާ ކަމަށާއި، މި މައުލޫމާތު ސިޓީ ކައުންސިލާ ހިއްސާކޮށްފައިވާ ކަމަށެވެ.

މި މައްސަލަ އިތުރަށް ތަހުގީގު ކުރަމުން އަންނައިރު، މީގެ ކުރިން ވެސް މާލޭގައި މިފަދަ ނުރައްކާތެރި ހާދިސާތައް ވަނީ ހިނގާފައެވެ. އެ ގޮތުން 2008 ވަނަ އަހަރުގެ ތެރޭގައި ޗާނދަނީ މަގުގައި އިމާރާތެއް ހެދުމަށް ކޮނެފައިވަނިކޮށް އެތަނާ އިންވެގެން ހުރި ބެމްބޫ ފިހާރައިގެ ދެބުރި އިމާރާތުން ބައެއް ވެއްޓި 4 މީހަކަށް އަނިޔާވިއެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.