ކ. މާލެ
|
4 ޖޫން 2019 | އަންގާރަ 11:27
ފިތުރު ޢީދު ނަމާދުގެ ޚުތުބާ ކުރިއަށްދަނީ
ފިތުރު ޢީދު ނަމާދުގެ ޚުތުބާ ކުރިއަށްދަނީ
ރާއްޖެއެމްވީ
ފިތުރު އީދުގެ ޚުތުބާ
ފިތުރު އީދަކީ އެކުވެރިކަން އާލާކުރާ ޢީދަކަށް ހެދުމަށް ޚުތުބާގައި ގޮވާލައިފި
 
ރަމަޟާން މަސް ނިމުނު ކަމުގައި ވިޔަސްް އަޅުކަމާއި ހެޔޮ އަމަލު ކުރުމުން ދުރުހެލިވެގެން ނުވާނެ
 
އީދާ ގުޅިގެން އުފާ ފާޅުކުރާއިރު، ތަނަވަސްކަން ނެތް މީހުންވެސް ބައިވެރި ކުރޭ: ޚުތުބާ
 
މިއީ ގާތްތިމާގެ ކަމުގެ ގުޅުން ފަދަ މަތިވެރި ގުޅުންތައް ބަދަހިކުރަންވީ ދަނޑިވަޅެއް

މިއަހަރުގެ ފިތުރު ޢީދަކީ އެކުވެރިކަން އާލާ ކުރާ ޢީދަކަށް ހެދުމަށް މިއަދު އީދު ނަމާދުގެ ޚުތުބާގައި ގޮވާލައިފިއެވެ.

"ބަރަކާތްތެރި އީދުލް ފިތުރި" މި މައުޟޫގެ މައްޗަށް ބިނާކޮށް ދިން ޚުތުބާގައި ބުނީ، އީދުގެ މުނާސަބަތަކީ ހަސަދަވެރިވުމާއި ބައިބައިވުމާ ދުރުހެލިވުމަށް އަޒުމު ކަނޑައަޅައި އެއްބައިވަންތަކަން އިސްކުރުމަށް ލިިބިގެންދާ ރަނގަޅު ފުރުސަތެއް ކަމަށާއި، މިއީ ގާތްތިމާގެ ކަމުގެ ގުޅުން ފަދަ މަތިވެރި ގުޅުންތައް ބަދަހިކުރަންވީ ދަނޑިވަޅެއް ކަމަށެވެ. އަދި އީދާ ގުޅިގެން އުފާ ފާޅުކުރާއިރު، ތަނަވަސްކަން ނެތް މީހުން ވެސް ބައިވެރި ކުރުމަށް ޚުތުބާގައި ވަނީ ގޮވާލާފައެވެ.

އެ ދުވަސްތަކުގައި އުފާ ފާޅުކުރަންވީ ހަމައެކަނި ތަނަވަސްކަން ލިބިގެންވާ މީހުންނެއް ނޫނެވެ. ތަނަވަސްކަން ލިިބިގެންވާ މީހުން އެ ތަނަވަސްކަން ފަޤީރުންނަށާއި މިސްކީނުންނަށް ފޯރުކޮށްދީ ޢީދުގެ އުފަލުގައި އެ މީހުން ބައިވެރި ކުރަންވާނެއެވެ. ފިތުރު ޢީދު ދުވަހު އީދު ނަމާދުގެ ކުރިން ފިތުރު ޒަކާތް ނެރުމަށް އަންގަވާފައިވަނީ މިހެން ވެގެންނެވެ، މިކަމުގެ ސަބަބުން ފަޤީރުންނަށް ސަލާން ނުޖަހައި ދިރި އުޅެވޭނެ ވަރުގެ ތަނަވަސްކަމެއް ލިބިގެންދާނެއެވެ."
ޚިތުބާ

ޚުތުބާގައި އިތުރަށް ބުނީ، ފިތުރު ޢީދަކީ ރަމަޟާން މަހުގެ ރޯދައާ ގުޅިގެން އަންނަ ޢީދެއް ކަމަށާއި، ރަމަޟާން މަސް ނިމުނު ކަމުގައި ވިޔަސްް އަޅުކަމާއި ހެޔޮ އަމަލު ކުރުމުން ދުރުހެލިވެގެން ނުވާނެ ކަމަށެވެ. އަދި ރަމަޟާން މަހަށް ފަހު ޝައްވާލު މަހުގެ 6 ރޯދަ ހިފުމުގެ މާތް ކަމަށް ވެސް ޚުތުބާގައި އަލިއަޅުވާލާފައި ވެއެވެ.

މުސްލިމު އަޚުންނާއި އުޚުތުންނޭވެ! ރަމަޟާން މަހަށް ފަހު ޝައްވާލު މަހުގައި 6 ރޯދަ ހިފުން ޝަރުއު ކުރައްވާފައި ވެއެވެ. އެއީ އެއް އަޅުކަމަށް ފަހު އަނެއް އަޅުކަމުގެ ތެރެއަށް ވަނުމަށްޓަކައެވެ. ކީރިތި ރަސޫލާ ހަދީޘް ކުރައްވާފައިވެއެވެ. (މާނަ) "ރަމަޟާން މަހު ރޯދަ ހިފުމަށްފަހު އެއާ ވިދިގެން ޝައްވާލު މަހު 6 ދުވަހު ރޯދަ ހިފުމަކީ މުޅި އަހަރު ރޯދަ ހިފުމެވެ."
ޚުތުބާ

އެކުވެރިކަމާއި އެއްބައިވަންތަކަމަށް މިއަދުގެ ޢީދު ޚުތުބާގައި ގޮވާލާފައިވާއިރު، ޢީދު ދުވަހަކީ ސާފު ހިތަކައިގެން އެކަކު އަނެކަކާ ސަލާންގަލާންކޮށް، އެކުވެރިކަމާއި ރަޙްމަތްތެރިކަން އާލާކުރަންވީ ދުވަހެއް ކަމަށާއި ލޯތްބާ އެކު އެއްބަނޑު އެއްބަފާކަމުގެ ގުޅުންތައް އަލުން ދިރުވައި ދަމަހައްޓަންވީ ދުވަހެއް ކަމަށް ޢީދާ ގުޅިގެން ރައީސް ސޯލިހު ދެއްވި ޚިތާބުގައި ވެސް ވިދާޅުވެފައި ވެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަލީ ޔޫސުފް
0%
0%
0%
0%
0%
0%
ކޮމެންޓް