އިޖްތިމާއީ ރައްކައުތެރިކަން ބޭނުންވާ ފަރާތްތަކަށް ބޯހިޔާވަހިކަން ފޯރުކޮށްދިނުމަށް މަޝްވަރާކޮށްފި
26 މެއި 2019 | އާދީއްތަ 18:58ބޯހިޔާވަހި ކަމުގެ ވައުދަކީ ރައީސް ސާލިޚުގެ ރިޔާސީ ވައުދުތަކުގެ ތެރޭގައި ހިމެނޭ ވައުދެއް
ހައުސިން މިނިސްޓަރ އާތިފާ ޝަކޫރު ޖެންޑަރ މިނިސްޓްރީގެ ބޭފުޅުންނާއި މަޝްވަރާ ކުރައްވަނީ
މި ސަރުކާރުގެ ބޯހިޔާވަހިކަމުގެ ވައުދުގެ ތެރެއިން އިޖްތިމާއީ ރައްކާތެރިކަން ބޭނުންވާ ފަރާތްތަކަށް ބޯހިޔާވަހިކަން ފޯރުކޮށްދޭނެ އުސޫލެއް ކަނޑައެޅުމާއި ގުޅޭ ގޮތުން މަޝްވަރާ ކޮށްފިއެވެ.
އާދިއްތަ ދުވަހު ބޭއްވި މި މަޝްވަރާ ބައްދަލު ވުމުގައި ހައުސިން މިނިސްޓަރ އާތިފާ ޝަކޫރާއި ޖެންޑާ މިނިސްޓްރީގެ އިސްބޭފުޅުން ވަނީ ބައިވެރިވެ ވަޑައިގެންފައެވެ.
ބޯހިޔާވަހި ކަމުގެ ވައުދަކީ ރައީސް އިބްރާހިމް މުހައްމަދު ސާލިޚުގެ ރިޔާސީ ވައުދުތަކުގެ ތެރޭގައި ހިމެނޭ ވައުދެކެވެ.
ބޯހިޔާވަހިކަމަށް ހައްލެއް ހޯދައިދިނުމަށްޓަކައި މި ސަރުކާރުން ވަނީ ހައުސިން ކޯޕަރޭޝަނެއް އުފައްދާފައެވެ. އަދި މި ވެރިކަމުގެ ފަސް އަހަރުގެ ދައުރު ނިމިގެންދާއިރު ބޯހިޔާވަހިކަން ބޭނުންވާ ހުރިހާ ފަރާތްތަކަށް ބޯހިޔާވަހިކަން ފޯރކޮށްދޭނެ ކަމަށް ރައީސް ސާލިޚު ވަނީ ވިދާޅުވެފައެވެ.
