ކުޑަ ދެ ފިރިހެން ކުއްޖަކަށް ޖިންސީ ގޯނާ ކުރި މައްސަލާގައި މީހަކު ހައްޔަރުކޮށްފި
26 މެއި 2019 | އާދީއްތަ 05:47ހައްޔަރު ކުރީ 19 އަހަރުގެ މީހެއް
އެ މީހާ ހައްޔަރުކޮށްފައި ވަނީ ހުޅުމާލެއިން
ހުޅުމާލޭގައި ކުޑަ ދެ ކުއްޖަކަށް ޖިންސީ ގޯނާ ކުރި ކަމުގެ މައްސަލާގައި ފިރިހެނަކު ހައްޔަރު ކޮށްފިއެވެ.
ފުލުހުންގެ މީޑިއާ އޮފިޝަލް ވިދާޅުވީ، ހޮނިހިރު ދުވަހުގެ ރޭ ދަންވަރު އެކެއްޖަހާކަށް އިރު ހަ އަހަރު އަދި އަށް އަހަރުގެ ފިރިހެން ކުއްޖަކަށް ޖިންސީ ގޯނާކުރި މައްސަލާގައި 19 އަހަރުގެ ފިރިހެނަކު ހައްޔަރުކޮށްފައިވާ ކަމަށެވެ.
އޭނާ ހައްޔަރު ކޮށްފައި ވަނީ ހޮނިހިރު ދުވަހުގެ ދަންވަރު 02:48 ހާއިރު ކޯޓު އަމުރުގެ ދަށުންނެވެ.
ފުލުހުން މީހަކު ހައްޔަރު ކުރި ކަމަށް ބުނެފައިވާއިރު، އެ މީހާގެ ވީޑިއޯއެއް ސޯޝަލް މީޑިއާގައި ވަނީ އާއްމުވެފައެވެ. ބަޔަކު ވަނީ އެ މީހާ ބޮކްސާ ކޮޅުގައި ހުޅުމާލޭގައި ގަން ހިންގުވާފައެވެ.
ކުޑަ ދެ ކުދިންނަށް ޖިންސީ ގޯނާކުރި މައްސަލަ ޖެންޑާ މިނިސްޓްރީން ވެސް ބަދަލަމުން ދާ ކަމަށް އެ މިނިސްޓްރީން ވަނީ ކަށަވަރުކޮށްދީފައެވެ.
