އަވަށްޓެރި އިންޑިއާގެ ޓްރިވަންޑްރަމުން ރާއްޖެ އެތެރެކުރަން އުޅުނު ކަމަށް ބެލެވޭ 26.7 މިލިއަން ރުފިޔާގެ އަގުހުރި މަސްތުވާތަކެތި އަތުލައިގަނެފިއެވެ.
ޓްރިވަންޑުރަމްގެ އެކްސައިޒް ޑިޕާޓްމެންޓާ ހަވާލާދީ "ދަ އިންޑިއަން އެކްސްޕްރެސް"ގައި ބުނެފައި ވަނީ، 11.5 ކިލޯގެ މަސްތުވާތަކެތި ހޯދާފައި ވަނީ ވެންޕަލަވައްޓޮމް އަވަށުގެ ކާރެއްގެ ތެރެއިން ކަމަށެވެ. އެތަކެތި ފޮރުވާފައި ހުރީ ކާރުގެ އެކި ތަންތަނުގައި ކަމަށާއި، ކާރު ތެރެއިން ކަނޑި އެއްވެސް ފެނިފައިވާ ކަމަށެވެ.
އެ ކަނޑިއަކީ އެ މީހުން ކެރެލާ އަށް އައިއިރު ދުޝްމަން ގޭންގުތަކުން ދީފާނެ ހަމަލާއަކުން ސަލާމަތްވުމަށް އަމިއްލަ ރައްކަލަކަށް ގެންގުޅުނު އެއްޗެއް ކަމަށް އެކްސައިޒް ޑިޕާޓްމެންޓުން ބުންޏެވެ. އަންދްރަޕްރެދޭޝުން ޓްރިވަންޑްރަމް އަށް މަސްތުވާތަކެތި އެތެރެ ކުރުމަށް އެ މީހުންނަށް ފީއެއްގެ ގޮތުގައި އެއްލައްކަ ރުޕީސް ލިބިފައިވާ ކަމަށް
އެކްސައިޒް ޑިޕާޓްމަންޓްގެ ކޮމިޝަނަރު ރިޝީ ރާޖް ސިންގް ވިދާޅުވީ، ބެލެވޭ ގޮތުގައި އެ މަސްތުވާތަކެއްޗަކީ ރާއްޖޭގެ އިތުރުން ލަންކާ އަށް އެތެރެ ކުރަން އުޅުނު ތަކެއްޗެވެ. ކަނޑާއި ވައިގެ މަގުން މަސްތުވާތަކެތި އެހެނިހެން ގައުމުތަކަށް ބޭރުކޮށްފައިވުން އެކަށީގެންވާ ކަމަށް އޭނާ ވިދާޅުވިއެވެ.
