ބުރާސްފަތި 27 ޖޫން 2019
11 އަދަ
1440 ޝައްވާލް 23
ފަތިސް 04:38
އިރުއަރާ 05:56
މެންދުރު 12:13
އަސްރު 15:37
މަޣްރިބް 18:22
އިޝާ 19:40
ރާއްޖެ - ބޯޓެއް އަތުގަތުން

ވެލި ބަރުކޮށްގެން ދިޔަ ބޯޓެއް އަތުލައިގެންފި

  • ވެލި ނަގާފައިވަނީ ހުއްދަ ލިބިގެންކަން ހާމަވާ އެއްވެސް ލިޔުމެއް ނެތް

އަމްނާ އިމާދު
amnabinthimad

ކ. މާލެ 25 މެއި 2019 | ހޮނިހިރު 00:34 12,506

ވެލި ބަރުކޮށްފައި ހުރި ބޯޓު - ޕޮލިސް

ލ. ހިތަދޫ ކައިރިން ވެލި ބަރުކޮށްގެން ދިޔަ ބޯޓެއް ފުލުހުންނާއި ސިފައިން ގުޅިގެން އަތުލައިގެންފިއެވެ.

ފުލުހުން ބުނީ ހުކުރު ދުވަހުގެ ހަވީރު 5:10 ހާއިރު ހިތަދޫ ކައިރިން ބޮޑު ބޯޓެއް ފެނިގެން ފުލުހުންނަށް ސިފައިން ދިން މައުލޫމާތަކާ ގުޅިގެން ފުލުހުންނާ ސިފައިން އެއުޅަނދަށް އަރާފައިވާ ކަމަށެވެ.

ފުލުހުން ބުނީ އެބޯޓުގައި ރަޖިސްޓްރީ ނަންބަރާއި ދިދައެއް ނެތް ކަމަށާއި، ބޯޓަށް ބައިވަރު ވެލި ބަރު ކޮށްފައިވާ ކަމަށެވެ. އަދި އެމީހުން ބުނާ ގޮތުގައި އެވެއްޔަކީ ބޯޓުގައި ހުރި ބަރު ވެހިކަލްތައް ބެލެންސް ކުރަން އަރުވާފައިވާ ވެލި ކަމަށް ފުލުހުން ބުންޏެވެ .

ނަމަވެސް މިވެލި ނަގާފައިވަނީ ސަރުކާރުގެ ކަމާބެހޭ އިދާރާތަކުގެ ހުއްދަ ލިބިގެންކަން ހާމަވާ އެއްވެސް ލިޔުމެއް ނެތް ކަމަށެވެ.

މީގެ އިތުރުން ފުލުހުން ބުނީ މިބޯޓަކީ ބްރިޖް ހެދި ކުންފުނީގެ ނަމުގައި އެތެރެކޮށްފައިވާ ބޯޓެއް ކަމަށާއި، މިބޯޓަކީ ހުވަދޫ އަތޮޅުގައި ހަދަމުންދާ ރިސޯޓަކަށް ދަތުރުކުރުމުން ދިޔަ ބޯޓެއް ކަމަށެވެ.

ނަމަވެސް ވިއްސާރަވެ ކަނޑު ގަދަވުމުގެ ސަބަބުން ލ. އަތޮޅުގައި މަޑު ކުރީ ކަމަށް ފުލުހުން ބުންޏެވެ.

މި މައްސަލަ ފުލުހުން ދަނީ ތަހުގީގު ކުރަމުންނެވެ.

އެންމެ ފަހުން އަޕްޑޭޓް ކުރީ: 19 ގަޑިއިރު ކުރި | ރިވިއު ކުރީ: ހުޝާމް މުހަޢްމަދް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް