ކައިވެނީގެ އެއް ދުވަސް ކުރިން ސޯފީ އާއި ޖޯ ބްރޭކަޕްވިކަން އެނގޭތަ؟
21 މެއި 2019 | އަންގާރަ 14:03ސޯފީ އާއި ޖޯގެ ކައިވެނީގެ ހަފްލާގައި ބައިވެރިވެފައި ވަނީ އާއިލާ އާއި ގާތް ރައްޓެހިން
ސޯފީ އާއި ޖޯ
ގޭމް އޮފް ތްރޯންސްގެ ތަރި ސޯފީ ޓާރނާ އާއި ޖޯ ޖޯނަސް ވަނީ މި މަހުގެ ކުރީ ކޮޅު ކައިވެނި ކޮށްފައެވެ.
ސަޕްރައިޒެއްގެ ގޮތުގައި ލަސް ވޭގަސްގައި މިކައިވެނި ކުރުމުގެ ކުރިން ވެސް ވަނީ މި ޖޯޑުގެ ދެމެދުގައި މީހުނަށް ނޭނގޭ ބޮޑެތި ކަންތައްތަކެއް ހިނގާފައެވެ.
ޔޫކޭގެ ދަ ޓައިމްސް އަށް ދިން އިންޓަވިއުގައި ސޯފީ ވަނީ އޭނާ އާއި ޖޯގެ ގުޅުން ކައިވެނީގެ ކުރިން ނިމުމަކަށް އައި ކަމަށް ބުނެފައެވެ.
"އެއީ އަހަރުމެންގެ ދިރިއުޅުމުގައި ދިމާވި އެންމެ ހަރާބު ދުވަސް. އެ ދުވަހު ދެ މީހުން ވެސް ބޭނުންވީ ކުރިއަށް ނުދާން. އޭގެ 24 ގަޑިއިރު ފަހުން ދެ މީހުން ވެސް އަނެއްކާ އެކަން ހަނދާން ނައްތާލީ،" ސޯފީ ވަނީ ބުނެފައެވެ.
ސޯފީ އާއި ޖޯގެ ކައިވެނީގެ ގަފްލާގައި ބައިވެރިވެފައި ވަނީ އާއިލާ އާއި ދެ މީހުންގެ ގާތް ރައްޓެހިންނެވެ. އޭގެ ތެރޭގައި ޖޯގޭ ބޭބެ ކެވިން ޖޯނަސް އާއި ނިކް ޖޯނަސް އަދި އަންހެނުން ޕްރިޔަންކާ ޗޯޕްރާ ވެސް ހިމެނެއެވެ.
މި ދެ މީހުން އެންގޭޖްމަންޓް އިއުލާންކޮށްފައި ވަނީ 2017 ގެ އޮކްޓޯބަރުގަ އެވެ.
ދެ މީހުންގެ މެދުގައި މައްސަލަ ޖެހުނު ކަމަށް ސޯފީ ބުނި ނަމަވެސް އެއީ ކޮން މައްސަލައެއް ކަމެއް ހާމަކޮށްފައެއް ނުވެއެވެ. އަދި ކައިވެނި ރޫޅޭ ވަރުގެ އެހާ ބޮޑު މައްސަލައެއް އޮތް ކަމަށް މީޑިއާތަކަށް ވެސް މީގެ ކުރިން އެނގިފައެއް ނުވެއެވެ.
