ސްރީލަންކާގައި ހައްޔަރު ކުރި ދެ ދިވެހިން ކަމަށްވާ ފުނަމާ އާދަމް މަނިކު އަދި ބައިކެނޑި ހަސަން މަނިކުގެ ބަންދުގެ މުއްދަތު އަނެއްކާވެސް އިތުރުކޮށްފިއެވެ.
ރާއްޖެ.އެމްވީ އަށް މައުލޫމާތު ދިން ފަރާތުން ބުނީ އެ ދެމީހުންގެ ބަންދުގެ މުއްދަރު އިތުރު ކޮށްފައިވަނީ ތިން ދުވަހަށް ކަމަށެވެ.
ސްރީލަންކާގެ ފައްޅިތަކާއި މަތީ ފަންތީގެ ހޮޓާތަކަށް ދިން ހަމަލާއަށް ފަހު އެގައުމުގެ ފުލުހުން ކުރިޔަށް ގެންދިޔަ އޮޕަރޭޝަނެއްގައި ލަންކާ އަށް ބޭސްކުރަން ގޮސްތިބި އެ ދެމީހުން ހައްޔަރު ކޮށްފައިވަނީ ނިމިގެން ދިޔަ އޭޕްރިލް މަހުގެ ފަހުކޮޅުގައެވެ.
ބައިކަނޑިއާ ފުނަމާގެ އަދި އިތުރު ދިވެހިންތަކެއްވެސް ވަނީ ހައްޔަރު ކޮށްފައެވެ. އެ ދެމީހުންގެ ބަންދުގެ މުއްދަތު ޖަހާފައިވަނީ އޭޕްރީލް މަހުގެ 27 ވަނަ ދުވަހުއެވެ. އެ ފަހަރު ދިހަ ދުވަހަށް ބަންދުގެ މުއްދަތު ޖަހައި މި މަހުގެ 10 ވަނަ ދުވަހު އިތުރު ހަތް ދުވަސް ވަނީ ބަންދުގެ މުއްދަތު ވަނީ އިތުރުކޮށްފައެވެ.
ލަންކާގެ ފުލުހުން ކުރިއަށް ގެންދާ ޚާއްސަ އޮޕަރޭޝަނުގެ ދަށުން ގާތްގަނޑަކަށް 20 ދިވެހިން ހައްޔަރުކޮށް، އޭގެ ތެރެއިން ބައެއް މީހުން ދޫކޮށްލުމަށްފަހު، ބައެއް މީހުން ވަނީ އަނެއްކާވެސް ހައްޔަރުކޮށްފައެވެ.
