ކާބިލް ޗައިނާގައި ރިލީޒް ކުރަނީ

ބޮލީވުޑް އެކްޓަރ ރިތިކް ރޯޝަން ލީޑް ރޯލު ކުޅެފައިވާ ފިލްމް "ކާބިލް" ޗައިނާގައި ރިލީޒް ކުރުމަށް ހަމަޖެހިފައިވާ ކަމަށް ރިޕޯޓްތައް ބުނެފިއެވެ.

މި ފިލްމް ޗައިނާގައި ރިލީޒް ކުރުމަށް ހަމަޖެހިފައިވަނީ އަންނަ މަހުގެ 5 ގައެވެ.

ފިލްމް ކްރިޓިކް އަދި ޓްރޭޑް އެނަލިސްޓް ތަރަން އާދަޝް ވަނީ ފިލްމްގެ ޕޯސްޓަރާއި އެކު ފިލްމް ރިލީޒް ކުރާ ދުވަސް ޓްވިޓާގައި ހިއްސާ ކޮށްފައެވެ.

މި ފިލްމްގައި ރިތިކް އާއި އެކު ލީޑް ރޯލުން ފެނިގެންދާނީ ޔާމީ ގޯތަމް އެވެ.

މި ފިލްމްގައި ރިތިކް( ރޯހަން) އާއި ޔާމީ ގޯތަމް (ސުޕުރިޔާ) އަދާކޮށްފައިވަނީ ފެނުމުން މަހުރޫމް ވެފައިވާ ޖޯޑެއް އުފާވެރި ދިރިއުޅުމެއް އުޅެމުންދާ މަންޒަރެވެ. ނަމަވެސް ފަހުން ސިޔާސީ މީހަކާއި ގުޅުން އޮންނަ އާއިލާއެއްގެ މީހަކު ސްޕްރިޔާ ރޭޕް ކުރުމުން ދެމީހުންގެ ދިރިއުޅުން ބަދަލުވެގެން ދެއެވެ.

އެވޭނާއި ތަހަންމަލްތަކަށް ކެތް ނިކުރެވިގެން ސުޕުރިޔާ އަމިއްލަށް މަރުވެއެވެ. ފަހުން ފެނިގެން ދަނީ ރޯހަން އެމީހުންގެ ކިބައިން ބަދަލު ހިފާ މަންޒަރެވެ.

ސަންޖޭ ގުޕްތާ ޑައިރެކްޓްކޮށް ރިތިކްގެ ބައްޕަ ރާކޭޝް ރޯޝަން ޕްރޮޑި އުސް ކޮށްފައިވާ މި ފިލްމް އިންޑިއާގައި ރިލީޒް ކޮށްފައިވަނީ 25 ޖެނުއަރީ 2017 ގައެވެ.